OPEC+ vendos të ulë prodhimin e naftës me 2 milion fuçi në ditë duke filluar nga nëntori

Organizatës së Vendeve Eksportuese të Naftës (OPEC+) janë pajtuar të ulin prodhimin me 2 milionë fuçi në ditë duke filluar nga nëntori.

Njëzet e tre anëtarët e grupit mbajtën takimin e 33-të ministror për të diskutuar vëllimet e prodhimit. Ky ishte takimi i parë ministror me pjesëmarrje fizike që nga marsi 2020.

Grupi vuri në dukje pasigurinë që rrethon perspektivat e ekonomisë botërore dhe të tregut të naftës dhe vuri në dukje “nevojën për të përmirësuar udhëzimin afatgjatë për tregun e naftës”.

Po ashtu, OPEC+ zgjati kohëzgjatjen e Deklaratës së Bashkëpunimit deri më 31 dhjetor 2023. Takimi i radhës i anëtarëve të OPEC-ut dhe aleatëve jashtë tij është planifikuar për më 4 dhjetor.

OPEC+ kishte ulur prodhimin ditor të naftës së papërpunuar me rreth 10 milionë fuçi në prill 2020 për shkak të rënies së mprehtë të kërkesës pas shfaqjes së pandemisë COVID-19.

Derisa kërkesa për naftë filluan të rimëkëmbeshin, grupi gjithashtu filloi të lehtësonte këto shkurtime në mënyrë graduale nga prilli 2021.

Vendet anëtare kishin rënë dakord të shkurtonin prodhimin me 100 mijë fuçi në ditë në mbledhjen e mëparshme. /Telegrafi/