Oferta miliona euroshe për të takuar Messin dhe Ronaldon

Më 19 janar në Riad, Lionel Messi dhe Cristiano Ronaldo do të takohen sërish në fushë. Njëri do të veshë fanellën e Paris Saint-Germain, ndërsa tjetri do të veshë atë të një skuadre yjesh të Arabisë Saudite me lojtarë nga Al-Hilal dhe Al-Nassr, klubi i ri i yllit portugez.

Pritshmëria në vend është në kulmin e saj dhe një nga stimujt që është promovuar ditët e fundit është se aktualisht po zhvillohet një ankand.

Ankandi ka të bëjë me marrjen e biletës që quajtur ‘Përtej imagjinatës’, e cila jep mundësinë e takimit me dy yjet më të mirë të futbollit botëror.

Përveç shikimit të ndeshjes, fituesi do të ketë mundësinë të marrë pjesë në ceremoninë e ndarjes së çmimeve dhe të hyjë në të dyja zhveshtore, që do të thotë se ata mund të takojë fizikisht Ronaldon dhe Messin.

Para los que les sobra el dinero… https://t.co/ZheAuFEstk

— MARCA (@marca) January 14, 2023

Biznesmeni saudit Mushref Al-Ghamdi ka hedhur në tavolinë 2.6 milionë dollarë apo 2.4 milionë euro për biletën dhe deri më tani menaxheri i përgjithshëm i grupit të pasurive të paluajtshme AqarOne po udhëheq ankandin për biletën.

Ankandi do të mbyllet më 17 janar, dy ditë para ndeshjes.

Padyshim që do të jetë një ribashkim plot kuriozitet dhe pritshmëri.

Kjo pasi të dy lojtarët nuk janë parë në fushë që nga viti 2020, kur Juventusi i Ronaldos mundi Barcelonën 3-0 në Ligën e Kampionëve. /Telegrafi/