Odegaard paralajmëron rivalët e Arsenalit për titull – bën edhe vetëkritikë

Martin Odegaard ka paralajmëruar rivalët e Arsenalit për titull në Ligën Premier, teksa po i drejtohemi muajve të fundit të sezonit. 

Arsenali momentalisht qëndron në pozitën e dytë në Ligën Premier, me gjashtë pikë mbrapa liderit Liverpoolit të cilët kanë një ndeshje më pak të luajtur. 

Sidoqoftë, kapiteni i ‘Topçinvje’ beson se skuadra e tij ka ende një mundësi dhe se ai mund të përmirësojë shifrat e tij në pjesën e mbetur të sezonit. 

“Për skuadrën, ne jemi në një pozicion të mirë, por unë ndihem sikur kemi një tjetër mundësi, një tjetër hap që mund të marrim dhe shpresojë se mund ta arrijmë formën maksimale nga tani deri në fund të sezonit”. 

Lexo po ashtu A po transferohet tek Arsenali apo jo? Watkins merr vendimin përfundimtar

“Ishte e njëjta edhe vitin e kaluar. Ne me të vërtetë e kapëm formën maksimale gjatë fundit të sezonit. Shpresoj që ta bëjmë këtë sërish”. 

“Golat janë diçka me të cilën nuk jam mjaftuar këtë sezon. Ndihem sikur kam qenë në situata të mjaftueshme dhe kam krijuar shumë për të tjerët, por nuk kam qenë aq i saktë me finalizimin e aksioneve”. 

“Kjo është diçka të cilën unë synojë ta përmirësojë drejt fundit të sezonit”, ka thënë Odegaard. 

Reprezentuesi norvegjez kishte arritur të shënonte 15 gola në sezonin 2022/2023 dhe 11 sezonin e kaluar, teksa këtë sezon ka realizuar vetëm dy herë./Telegrafi/