LAJMI I FUNDIT:

OBSH kërkon ‘veprim të menjëhershëm’ pas vdekjeve të fëmijëve të lidhura me shurupet e kollës vitin e kaluar

OBSH kërkon ‘veprim të menjëhershëm’ pas vdekjeve të fëmijëve të lidhura me shurupet e kollës vitin e kaluar

Organizata Botërore e Shëndetësisë (OBSH) ka bërë thirrje për “veprim të menjëhershëm dhe të bashkërenduar” për të mbrojtur fëmijët nga ilaçet e kontaminuara pas një morie vdekjesh të fëmijëve të lidhura me shurupet e kollës vitin e kaluar.

Në vitin 2022, më shumë se 300 fëmijë – kryesisht të moshës nën 5 vjeç – në Gambi, Indonezi dhe Uzbekistan vdiqën nga dëmtimi akut i veshkave, në vdekje që shoqëroheshin me ilaçe të kontaminuara, tha OBSH në një deklaratë të hënën, përcjell Telegrafi.

Ilaçet, shurupet e kollës pa recetë, kishin nivele të larta të “diethylene glycol” dhe “ethylene glycol”.

“Këta ndotës janë kimikate toksike që përdoren si tretës industrialë dhe agjentë antifriz që mund të jenë fatale edhe të merren në sasi të vogla dhe nuk duhet të gjenden kurrë në ilaçe”, citohet të ketë thënë OBSH.

Indonezia ndalon shitjen e shurupeve pas vdekjes së 99 fëmijëve
Lexo po ashtu Indonezia ndalon shitjen e shurupeve pas vdekjes së 99 fëmijëve

Sikurse te vendet e mësipërme, OBSH i tha Reuters të hënën se Filipinet, Senegali dhe Kamboxhia mund të ndikohen potencialisht sepse mund t’i kenë ilaçet në shitje.

“Meqenëse këto nuk janë incidente të izoluara, OBSH u bën thirrje palëve të ndryshme kyçe të përfshira në zinxhirin e furnizimit mjekësor të ndërmarrin veprime të menjëhershme dhe të koordinuara”, ka thënë më tej OBSH.

OBSH kundër përdorimit të dy shurupeve indiane të kollës për fëmijët, që janë të lidhur me vdekjet në Uzbekistan
Lexo po ashtu OBSH kundër përdorimit të dy shurupeve indiane të kollës për fëmijët, që janë të lidhur me vdekjet në Uzbekistan

OBSH ka dërguar tashmë alarme specifike për produkte në tetor dhe në fillim të këtij muaji, duke kërkuar që ilaçet të hiqen nga raftet, për shurupet e kollës të prodhuara nga Maiden Pharmaceuticals dhe Marion Biotech e Indisë, të cilat janë të lidhura me vdekje përkatësisht në Gambi dhe Uzbekistan.

Ajo lëshoi gjithashtu një paralajmërim vitin e kaluar për shurupet e kollës të prodhuara nga katër prodhues indonezianë, PT Yarindo Farmatama, PT Universal Pharmaceutical, PT Konimex dhe PT AFI Pharma, që shiteshin brenda vendit.

Kompanitë e përfshira ose kanë mohuar që produktet e tyre janë kontaminuar ose kanë refuzuar të komentojnë ndërkohë që hetimet janë në vazhdim.

Andaj OBSH përsëriti thirrjen e saj që produktet e përmendura më lart të hiqen nga qarkullimi dhe bëri thirrje më gjerësisht që vendet të sigurojnë që çdo ilaç për shitje të miratohet nga autoritetet kompetente. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Organizata Botërore Meteorologjike: Ky është një alarm i kuq për botën

Organizata Botërore Meteorologjike: Ky është një alarm i kuq për botën

Botë
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Derri i egër u shfaq nga hiçi dhe e sulmoi një burrë në Kinë - pamjet dramatike shfaqen në platformat sociale

Derri i egër u shfaq nga hiçi dhe e sulmoi një burrë në Kinë - pamjet dramatike shfaqen në platformat sociale

Azia
Kalo në kategori