Nxënësit shqiptarë shmangin paralelet në gjuhën maqedonase

Gjimnazet, edhe këtë vit prijnë sa i përket interesimit të semi-maturantëve për regjistrim në Shkollat e mesme. Risi për këtë vit shkollor është edhe e drejta e nxë nëse për të zgjedhur drejtimet në bazë të sistemit të Kembrixhit, që nga ky shtator për herë të parë pritet të zbatohet edhe në shkollat e mesme.

”Këtë vit është risi në drejtimet e gjimnazit për shkak se nxënësit kanë të drejtë të zgjedhin 6 drejtime, atë matematiko natyror kombinimi A dhe B, humanitaro-shoqëror kombinimi A dhe B dhe gjuhësoro-artistik kombinimi A dhe B..Ne jemi duke vijuar sipas konkursit të shpallur nga Ministria e që është me këto 6 drejtimke, nëse hiqet sistemi i Kembrixhit edhe ne do ta respektojmë atë vendim të Ministrisë – deklaroi për Alsat-M, Faruk Zeqiri, drejtor i gjimnazit “Zef Lush Marku”.

Ndërkohë në gjimnazin “Cvetan Dimov” tashmë dy vjet asnjë nxënës shqiptar nuk regjistrohet në paralelet maqedonase. Drejtori Besnik Ajeti tha se gradualisht mësimdhënësit maqedonas janë duke u larguar si tepricë teknologjike.

”Pavarësisht prej fluksit të nxënësve që do të vijnë në shkollë të regjistrohen ne jemi të hapur për të gjithë komunitet që ne i kemi këtu në shkollë. Vetëdijesimi i shqiptarëve këto dy vjet e fundit dukshëm ka ndryshuar, dy vjet me radhë nuk kemi asnjë nxënës shqiptar që regjistrohet në paralelet e gjuhës maqedonase. Punën e nxënësve për shkak të cilëve nuk do të kemi paralele, profesorët shkojnë tepricë teknologjike në Qytetin e Shkupit – tha Besnik Ajeti, drejtor i Sh.M.Q.Sh “Cvetan Dimov”.

Edhe në shkollën profesionale “Marija Kiri Skllodovska” janë qetësuar marrëdhëniet e brishta mes udhëheqësve shqiptar dhe drejtorit Lupço Celeski. Ky i fundit madje ka plotësuar të gjitha kërkesat e nxënësve dhe mësimdhënësve shqiptarë sa i përket numrit të drejtimeve në gjuhën shqipe.

”Të gjitha problemet që i kemi pasur më herët tani i kemi tejkaluar, ku sivjet planifikojmë edhe rritje të paraleleve ku shihet qartë se do të ketë ndryshim prej viteve tjera. Drejtimet të cilat i kemi pasur edhe vitet e kaluara janë teknik laboratoriko medicinal, teknik i optikës së syve, teknik i proceseve prodhuese, teknik i kimisë teknologjie si dhe drejtimin e ri që do të hapim nga shtatori , teknik medicinal ose përkëdhelës për personat e moshuar – theksoi Vedat Mustafa, zv. drejtor i SH.M.Q.SH “Marija Kiri-Skllodovska”.

Regjistrimi i semi-maturantëve për afatin e qershorit do të vazhdojë edhe gjatë ditës së nesërme ndërkohë që rezultatet do të shpallen të premte, më 30 qershor.