“Nuk kam nevojë për haram – as për shpërblim”: Taksisti në Sarajevë gjen kuletën plot para, thërret policinë

Taksisti Seidin Kapo ka gjetur një portofol me një shumë të madhe parash në stacionin e autobusëve në Sarajevë.

Dhe sipas mediave boshnjake, përcjell Telegrafi, pasi gjeti kuletën, Kapo nuk hezitoi dhe menjëherë njoftoi Departamentin e Policisë në Sarajevë.

Kuleta përmbante dokumente dhe para në disa monedha.

Përveç, 710 KM, aty thuhet se kishte gjetur 140 euro, 100 dollarë dhe 2500 korona suedeze.

“Erdha në autobus për të zbritur një të afërm që po shkonte në Sanxhak. Kam gjetur portofolin brenda. Brenda ishte një kartë identiteti, një biletë e transportit publik dhe para. Njoftova policinë dhe i thirra që të merrnin portofolin”, ka thënë fillimisht Kapo.

Sipas tij, ai do të donte të takonte zonjën që humbi portofolin e saj, por ai thekson se nuk ka nevojë për ndonjë shpërblim.

“Më vjen mirë që gjeta portofolin. Gruaja mund të ketë shkuar te mjeku, kush e di. Dikush tjetër mund ta ketë gjetur. Unë jetoj nga puna e ndershme, nuk kam nevojë për haram”, ka thënë në fund Kapo.

Ndërkohë autoritetet policore kanë thënë se policia kishte gjetur pronarin e portofolit.

“Dokumentet dhe paratë do të dorëzohen. Zonja konfirmoi se shuma është e plotë”. /Telegrafi/