Norvegjia do të porosisë 54 tanke gjermane Leopard 2

Norvegjia ka vendosur të porosisë 54 tanke gjermane Leopard 2 për të forcuar aftësitë e saja mbrojtëse, njoftoi të premten qeveria norvegjeze.

Norvegjezët tanket e reja do t’i marrin në vitin 2026, por ka mundësi që flotës së tyre t’i shtojnë edhe 18 njësi shtesë, raporton cnn.

“Tanket e reja kryesore luftarake kanë një rëndësi të madhe për Forcat e Armatosura. Ajo forcon ndjeshëm ushtrinë. Në situatën e sotme të sigurisë, bashkëpunimi evropian i mbrojtjes po bëhet gjithnjë e më i rëndësishëm”, tha kryeministri norvegjez, Jonas Gahr Store.

“Duke prokuruar tanke gjermane, ne sigurojmë që Norvegjia të ketë të njëjtin lloj tankesh si fqinjët tanë nordikë dhe aleatët tanë të ngushtë. Ne po krijojmë gjithashtu lidhje më të ngushta të politikës së sigurisë me Gjermaninë”, shtoi ai.

Lexo po ashtu Çfarë janë tanket Leopard 2 që po i kërkon Ukraina?

Tanket aktuale të betejës të përdorura nga Norvegjia u blenë në vitin 2001, njoftoi qeveria norvegjeze.

Ndryshe, si një anëtar themelues i Organizatës së Traktatit të Atlantikut të Veriut, Norvegjia ka qenë pjesëmarrëse aktive në NATO që nga nënshkrimi i Traktatit të Atlantikut të Veriut në Uashington më 4 prill 1949. /Telegrafi/

https://www.youtube.com/watch?v=plig-9dBb3Q