Njihuni me Kosovare Ukaj – Një menaxhere e suksesshme e shitjes dhe një grua familjare (Foto/Video)

Kosovarja është një grua aktive dhe ambicioze që ka arritur të dëshmojë veten në një sektor të dominuar nga meshkujt si ai i përpunimit të drurit. Mjedisi ku ajo u rrit nuk ishte shumë mbështetës për vajzat ambicioze si ajo, por përkrahja e pashoq e prindërve të saj, e nxiti të shkonte përpara drejt suksesit. Ajo e konsideron dyqanin e familjes së saj si vendi ku vajza e re nga një fshat i Gjakovës zbuloi ambiciet e saj sipërmarrëse.

Sot, ajo është e martuar dhe nënë e tre djemve. Përgjegjësitë dhe kontributi i saj shtrihet përtej biznesit, dhe përgjegjësitë e saj rreth shtëpisë, i marrin edhe disa orë të tjera të ditës. Mbi të gjitha, Kosovarja gjen kohë edhe për veten dhe vazhdon të mësojë dhe të zgjerojë horizontet e saj. Qofshin kurse të gjuhës apo zhvillim profesional/trajnim, ajo vazhdimisht zgjeron njohuritë e saj.

Shpesh ndodh që në takime me partnerë dhe klientë, ata presin që të shfaqet shefi i saj mashkull, por njohuritë e saj të thellë mbi produktet dhe industrinë, përfshirë këtu edhe detajet teknike, e ka mundësuar atë të kapërcejë situata të tilla të pakëndshme pa probleme. Klientët hezitojnë vetëm fillimisht, tregon ajo, dhe ata shumë shpejt binden në integritetin e saj profesional.

Çelësi i suksesit në fjalët e saj është që, ‘kurrë të mos ndalemi të mësuari dhe të mos lejojmë që ambicia brenda nesh të vdesë’. Gjithsesi, ajo pohon se pa mbështetjen e familjes së saj, dhe bashkëshortit në veçanti, ajo kurrë nuk do të kishte qenë në gjendje të lulëzonte dhe të kontribuonte në biznesin që ata udhëheqin dhe rrisin bashkërisht.

Mesazhi i saj për vajzat e reja në Kosovë sot, është shumë i thjeshtë, “Ndiqni ëndrrat tuaja pa marrë parasysh se çfarë ju thonë! Mos hezitoni para sfidave që jeta do t’ju servojë, si në rrafshin personal ashtu edhe atë profesional. Duhet të shikoni përpara dhe të besoni, por mbi të gjitha ju duhet të qëndroni të besnike ndaj vetes, ëndrrave tuaja dhe jeta do të keni një jetë shumë të mire. Vazhdoni mësimin, pasi kjo është arma juaj”.

Për më shumë klikoni këtu