Njëzet ushtritë më të fuqishme në botë (Foto)

Me rritjen e kërcënimeve nga organizatat terroriste në vende të ndryshme të botës, ushtritë e fuqive të mëdha vazhdimisht investojnë shuma të majme të parave që të parandalojnë ndonjë luftë të mundshme.

Kështu “Business Insider” ka publikuar listën e grupit bankar “Credit Swiss”, të 20-të fuqive më të mëdha ushtarake në botë, transmeton Telegrafi.

Kanadaja

Buxheti: 15,7 miliardë dollarë

Personeli aktiv ushtarak: 92.000

Tanke: 181

Numri total i aeroplanëve: 420

Nëndetëse: 4

Kanadaja sipas “Credit Swiss” është në fund të listës, për shkak të numrit të vogël të personelit aktiv ushtarak, mungesës së aeroplanmbajtësve, helikopterëve, si dhe për shkak të numrit të vogël të tankeve dhe nëndetëseve.

Indonezia

Buxheti: 6,9 miliardë dollarë

Personeli aktiv ushtarak: 476.000

Tanke: 468

Numri total i aeroplanëve: 405

Nëndetëse: 2

Ushtria indoneziane është ranguar një numër para Kanadasë, për shkak të numrit më të madh të personelit aktiv ushtarak dhe numrit të madh të tankeve. Megjithatë, ushtria e tyre vuan nga mungesa e helikopterëve, aeroplanëve dhe nëndetëse.

Gjermania

Buxhet: 40.2 miliardë dollarë

Personeli aktiv ushtarak: 179.046

Tanke: 408

Numri total i aeroplanëve: 663

Nëndetëse: 4

Gjermania nuk është pozicionuar edhe aq mirë në rang listën për shkak të mungesës së personelit aktiv ushtarak që planifikon t’i angazhoj në të ardhmen, por ekziston mundësia që gjermanët qëllimisht nuk publikojnë të dhëna për planet ushtarake, dhe është e natyrshme duke marrë parasysh situatën aktuale dhe rolin që e ka ushtria gjermane në NATO.

Polonia

Buxhet: 9,4 miliardë dollarë

Personeli aktiv ushtarak: 120.000

Tanke: 1.009

Numri total i aeroplanëve: 467

Nëndetëse: 5

Ushtria polake qëndron pas Gjermanisë konsiderojnë analistët, edhe pse polakët kanë numër më të madh të tankeve dhe të flotës së nëndetëseve, por numrin më të vogël të aeroplanëve luftarak për dallim nga gjermanët.

Tajlanda

Buxhet: 5.39 miliardë dollarë

Personeli aktiv ushtarak: 306.000

Tanke: 722

Numri total i aeroplanëve: 573

Nëndetëse: 0

Aeroplanmbajtëse: 1

Ushtria tajlandeze udhëhiqet nga mbretëria e Tajlandës dhe Qeveria që nga grusht shteti ushtarak i vitit 2014. Ushtria luan rolin kyç në ruajtjen e unitetit të këtij vendi, dhe për këtë arsye nuk është edhe aq keq në këtë top listë.

Australia

Buxhet: 26.1 miliardë dollarë

Personeli aktiv ushtarak: 58.000

Tanke: 59

Numri total i aeroplanëve: 408

Nëndetëse: 6

Ushtria mbretërore e Australisë është relativisht e vogël dhe nuk është edhe aq mirë e pozicionuar në listë, edhe përkundër numrit aktiv të personelit ushtarak, numrit të tankeve.

Izraeli

Buxhet: 17 miliardë dollarë

Personeli aktiv ushtarak: 160.000

Tanke: 4.170

Numri total i aeroplanëve: 684

Nëndetëse: 5

Izraeli ka një ushtri të vogël. Por, pasi që shërbimi ushtarak është i obligueshëm, ky vend është pothuajse 24 orë ushtarakisht i gatshëm. Izraeli ka një numër të madh të tankeve, aeroplanëve dhe helikopterëve dhe konsiderohet si fuqia më e madhe në Lindjen e Mesme.

Tajvani

Buxhet: 10,7 miliardë dollarë

Personeli aktiv ushtarak: 290.000

Tanke: 2005

Numri total i aeroplanëve: 804

Nëndetëse: 4

Tajvani futet në top pesëshen e vendeve me helikopterë luftarak, gjithashtu posedon një numër të madh të aeroplanëve dhe tankeve moderne.

Egjipti

Buxhet: 4,4 miliardë dollarë

Personeli aktiv ushtarak: 468.500

Tanke: 4624

Nëndetëse: 4

Pas Izraelit, ushtria egjiptiane është fuqia më e vjetër dhe më e madhe në Lindjen e Mesme. Ky vend merr ndihmë financiare nga SHBA-të, dhe është në pesëshen e artë sa i përket numrit të tankeve.

Pakistani

Buxhet: 7 miliardë dollarë

Personeli aktiv ushtarak: 617.000

Tanke: 2924

Numri total i aeroplanëve: 914

Nëndetëse: 8

Ushtria pakistaneze është një nga fuqitë më të mëdha ushtarake në botë sa i përket numrit të personelit aktiv ushtarak. Ky vend është fuqi bërthamore, e cila nga viti në vit po përparon me hapa të shpejtë.

Turqia

Buxhet: 18.2 miliardë dollarë

Personeli aktiv ushtarak: 410.500

Tanke: 3.778

Numri total i aeroplanëve: 1.020

Nëndetëse: 13

Forcat e armatosura turke janë tejet të fuqishme, dhe është fuqia e dytë në NATO sa i përket fuqisë së këmbësorisë. Edhe pse këtij vendi i mungojnë aeroplanmbajtëset, vetëm pesë vende kanë më shumë nëndetëse sesa Turqia. Përveç kësaj, turqit posedojnë një numër tejet të madh të tankeve moderne, aeroplanëve dhe helikopterëve.

Mbretëria e Bashkuar

Buxhet: 60.5 miliardë dollarë

Personeli aktiv ushtarak: 146.980

Tanke: 407

Numri total i aeroplanëve: 936

Nëndetëse: 10

Edhe pse Mbretëria e Bashkuara planifikon të zvogëlojë për 20 për qind numrin e forcave të armatosura, britanikët janë fuqi bërthamore dhe mund të vazhdojnë të llogarisin në fuqinë ushtarake në botë. Përveç flotës tejet të fuqishme bërthamore, nëndetëseve dhe anijeve luftarake, ky vend posedon edhe një numër të madh të aeroplanëve luftarak.

Italia

Buxhet: 34 miliardë dollarë

Personeli aktiv ushtarak: 320.000

Tanke: 586

Numri total i aeroplanëve: 760

Nëndetëse: 6

Ushtria italiane është renditur mirë në rang listë për shkak se posedon dy aeroplanmbajtëse dhe helikoptermbajtëse. Aeroplanët, helikoptermbajtëset, nëndetëset, helikopterët dhe luftanijet, i kanë rritur fuqinë ushtarake Italisë.

Franca

Buxhet: 62.3 miliardë dollarë

Personeli aktiv ushtarak: 202.761

Tanke: 423

Numri total i aeroplanëve: 1.264

Nëndetëse: 10

Fuqia ushtarake e francezëve është relativisht e vogël, por shumë mirë e trajnuar dhe profesionale. Përveç se është fuqi bërthamore, francezët kanë futur në përdorim aeroplanmbajtëset e reja.

India

Buxhet: 50 miliardë dollarë

Personeli aktiv ushtarak: 1.325.000

Tanke: 6.464

Numri total i aeroplanëve: 1905

Nëndetëse: 15

India konsiderohet si një nga fuqitë më të mëdha ushtarake në botë. Indianët kanë numrin më të madh të ushtarëve në botë si dhe të tankeve dhe aeroplanëve, pas SHBA-ve, Kinës dhe Rusisë. India është gjithashtu fuqi bërthamore, dhe posedojnë aeroplanmbajtëse dhe helikopterë modern.

Japonia

Buxhet: 41.6 miliardë dollarë

Personeli aktiv ushtarak: 247.173

Tanke: 678

Numri total i aeroplanëve: 1613

Nëndetëse: 16

Ushtria japoneze është relativisht e vogël, por megjithatë është mirë e trajnuar dhe e pajisur me armë moderne. Marina japoneze ka flotën e katërt më të fuqishme në botë, si dhe posedon katër aeroplanmbajtëse, edhe pse ato aktualisht përdoren si helikoptermbajtëse.

Kina

Buxhet: 216 miliardë dollarë

Personeli aktiv ushtarak: 2.333,000

Tanke: 9.150

Numri total i aeroplanëve: 2.860

Nëndetëse: 67

Ushtria kineze viteve të fundit është rritur dukshëm sa i përket aftësive luftarake, derisa sa i përket fuqisë njerëzore konsiderohet si më e madhja në botë. Armata kineze është e dyta në botë sa i përket numrit të tankeve pas Rusisë, si dhe fuqia e dytë në botë sa i përket forcës detare pas SHBA-ve.

Rusia

Buxhet: 84.5 miliardë dollarë

Personeli aktiv ushtarak: 766.055

Tanke: 15.398

Numri total i aeroplanëve: 3429

Nëndetëse: 55

Forcat e armatosura të Federatës Ruse janë fuqia e dytë ushtarake në botë. Ajo ka fuqinë më të madhe në botë sa i përket numrit të tankeve, fuqia e dytë botërore sa i përket aeroplanëve dhe e treta kur është në pyetje flota detare, pas Kinës dhe SHBA-ve.

Shtetet e Bashkuara të Amerikës

Buxhet: 601 miliardë dollarë

Personel aktiv ushtarak: 1.400.000

Tanke: 8.848

Numri total i aeroplanëve: 13.892

Nëndetëse: 72

Shtetet e Bashkuara të Amerikës vazhdojnë të shpenzojnë më së shumti para kur është në pyetje ushtria – plot 601 miliardë dollarë, që i bie më së shumti në botë. Përparësia e tyre më e madhe ushtarake është flota e tyre prej 10 aeroplanmbajtëseve më të mëdha në botë. SHBA-të kanë larg më shumë aeroplanë se çdo vend tjetër në botë, si dhe posedojnë teknologjinë më të avancuar. Përveç marinës më të fuqishme, posedojnë topin laserik që asnjë vend tjetër nuk e ka.

Koreja e Jugut

Buxhet: 62.3 miliardë dollarë

Personel aktiv ushtarak: 624.465

Tanke: 2.381

Numri total i aeroplanëve: 1412

Nëndetëse: 13

Koreja e Jugut për dallim nga Koreja e Veriut posedon më pak personel ushtarak, por shumë më moderne dhe më të përgatitur. Ajo posedon nëndetëset më moderne, helikopterë luftarak si dhe një numër solid të personelit ushtarak. Ky vend gjithashtu posedon një numër të madh të tankeve, dhe konsiderohet si vendi i gjashtë në botë sa i përket aviacionit. /Telegrafi/