“Njerëzit e mirë tradhtojnë partnerët, sepse janë të uritur për dashuri”

Partnerët që tradhtojnë mund të jenë, besoni apo jo, njerëz të mirë

Nëse keni qenë të uritur për një kohë të gjatë, do të dëshironi të hani disa ushqime të padëshiruara dhe pasi ta hani, do të ndiheni në faj dhe do të pendoheni që nuk keni ngrënë një vakt më të shëndetshëm, shpjegon terapistja dhe autorja Mira Kirshenbaum.

– Njerëzit e mirë që tradhtojnë partnerin zgjohen natën, kanë një ndjenjë faji dhe pyesin veten se çfarë të bëjnë dhe pse u ndodh mu atyre – shkruan Mira Kirshenbaum, autorja e librit ‘When Good People Have Affairs: Inside the Hearts & Minds of People in Two Relationships’, transmeton Telegrafi.

Terapistja e martesës dhe familjes, autore e shumë librave bestseller, vendosi të zbulojë se si edhe njerëzit e mirë mund të tradhtojnë dhe këshillon se pas tradhtisë të dy partnerët të gjejnë rrugën e marrëdhënieve dashurore më të lumtura dhe më të qëndrueshme.

Njerëzit e mirë tradhtojnë sepse janë të uritur për dashuri dhe autorja e krahason këtë me ushqimin e pashëndetshëm.

Nëse keni qenë të uritur për një kohë të gjatë, do të dëshironi të hani disa ushqime të padëshiruara dhe pasi ta hani, do të ndiheni në faj dhe do të pendoheni që nuk keni ngrënë një vakt më të shëndetshëm, konstaton Kirshenbaum.

I dashuri i pakënaqur në një lidhje nuk do të gjejë rrugëdalje tjetër, do fajësojë partneren për situatën e keqe në lidhje dhe do ta tradhtojë nga uria për dashuri. Në një situatë të tillë shpesh mbizotëron pakënaqësia dhe partneri shihet në një këndvështrim negativ, ndërsa i dashuri në një këndvështrim pozitiv.

Kur vendosni të rregulloni gjërat në një marrëdhënie, qoftë me një partner të qëndrueshëm apo me atë që keni tradhtuar, duhet të dini se do të përballeni me një furi zemërimi dhe lëndimi.

– Do të duhet të përpiqesh të rindërtosh besimin dhe të bësh të zgjedhurit e zemrës të ndihen sërish të dashuruar – thotë Mira. /Telegrafi/