Një xhentëlmen si Taika Waititi, kujdeset që në asnjë moment partnerja e tij Rita Ora të mos laget nga shiu

Këngëtarja shqiptare me famë botërore, Rita Ora, ka ndarë me ndjekësit e saj në Instagram disa fotografi të mahnitshme nga paraqitja e saj në Çmimet Britanike të Modës në Londër për vitin 2023, duke i magjepsur fansat me elegancën e saj.

Në një nga fotografitë, ajo shihet e shoqëruar nga bashkëshorti i saj, regjisori i njohur hollivudian Taika Waititi, i cili, në mënyrën më të qenësishme të mundshme, i mban çadrën – një akt xhentilese i pastër që simbolizon mbështetjen e tij të palëkundur për Orën në çdo hap të saj.

Ky moment romantik mes shiut të Londrës ka kapur zemrat e shumtë të fansave, duke treguar fortësinë dhe bashkëpunimin që ky çift i fuqishëm ka ndërtuar.

Në eventin prestigjioz të modës, Ora shkëlqeu e veshur me një fustan të zi, elegant dhe të guximshëm me shpinë të hapur që nxirrte në pah një aksesor të veçantë që imitonte formën e shtyllës kurrizore.

Aksesorët protetikë të vendosur mbi fustanin e saj nuk janë vetëm një deklaratë stilistike, por edhe një dëshmi e guximit të saj për të eksploruar dhe eksperimentuar me modën.

Fotografitë e publikuara nga Rita Ora kanë marrë mijëra pëlqime dhe komente nga ndjekësit që e admirojnë për guximin e saj për të thyer normat dhe për të sjellë një frymëmarrje të re në botën e modës.

Këngëtarja përndryshe pak ditë më parë ishte në vendlindje për ditëlindjen e saj të 33-të, ku u nderua me mirënjohjen “Çelësi i Qytetit” nga i pari i Prishtinës, Përparim Rama. /Telegrafi/