Teksa Përparim Rama mburret me qeverisjen njëvjeçare në Prishtinë, Lëvizja Vetëvendosje e ka kritikuar atë duke mbushur sheshin “Nënë Tereza” në kryeqytet me ‘dështimet’ e tij.
“Kaos për të gjithë” është titulluar aktiviteti i sotëm i LVV-së, asamblistët e së cilës në Prishtinë vendosën 12 pankarta që sipas tyre, paraqesin dështimet dhe premtimet që nuk janë realizuar nga kryetari Rama.
“Qentë i arrestojmë, bërllok pa kufij, ekspertët e kryetarit”, ishin disa nga titujt e pankartave.
Kryeasamblisti i LVV-së në Prishtinë, Gëzim Sveçla, para mediave ka thënë se 206 premtimet e dhëna nga Rama, të gjitha kanë mbetur vetëm në letër.
“Përmes këtyre 12 pamjeve që i kemi marrë në lagje të ndryshme të kryeqytetit, i kemi paraqitur 12 muajt e qeverisjes së koalicionit LDK-PDK në Prishtinë. Nëse qëndron thënja se ‘një foto vlen sa një mijë fjalë’, atëherë këtu i kemi 12 mijë fjalë që përshkruajnë katrahurën dhe kaosin në të cilin e kanë futur Prishtinën”, ka deklaruar Sveçla.
Ai tutje është shprehur se “për një vit qeverisjeje të LDK-së dhe PDK-së, nuk ka dyshim se jeta e qytetarit të Prishtinës është bërë më e rëndë, më e vështirë dhe më pak kualitative sesa ka qenë para një viti”.
“Sot ka më shumë mbeturina, më shumë rrezik nga qentë endacakë, më shumë tollovi, kolona më të gjata, më shumë pritje dhe vonesa, parking më të shtrenjtë, taksi me çmim më të lartë, më shumë gropa në rrugë, më pak gjelbërim, më pak ndriçim… e kështu me radhë”, ka thënë Sveçla.
Punën e kryetarit Rama e ka kritikuar edhe shefi i grupit të asamblistëve të Aleancës për Ardhmërinë e Kosovës në Prishtinë, Bahri Gashi.
Ai në një prononcim për Telegrafin ka thënë se viti që po e lëmë pas, për Komunën e Prishtinës dhe për qytetarët ka qenë më i rëndi, i cili sipas tij, është përcjellë me mospunë dhe neglizhencë.
“Komuna e Prishtinës ka thyer rekord në kthimin e vendimeve nga institucionet qendrore, ka thyer rekord edhe brenda vetes duke anuluar plane rregullative (Kalabri, Arbëri etj), e pastaj duke i kthyer po vet prapë, anulim pa asnjë arsye, e kthimi ka qenë edhe sukses pas presioneve të opozitës e edhe banorëve dhe disa faktorë tjerë”, ka deklaruar Gashi.
Ai tutje ka përmendur problemin me qentë endacakë, atë të mbeturinave, investimet në infrastrukturë si dështime të kësaj qeverisje.
Ndërsa, sa i përket premtimeve elektorale, Gashi ka thënë se pothuajse asnjë prej tyre nuk ka gjetur vend në buxhetin për vitin 2023.
“Ne si AAK bashkë me pjesën tjetër të opozitës, kemi bërë disa përpjekje që të jemi më aktivë në tema dhe të ndryshojmë proceset për të mirën e qytetarit, por ka qenë e vështirë. Shpresojmë në reflektim se përndryshe Prishtina ka filluar të degradojë”, ka përfunduar ai.
Ndryshe nga opozita, i pari i kryeqytetit në një postim në llogarinë e tij në Facebook, tha se fillimet janë plot sfida, por ato bashkë me ekipin i kanë tejkaluar për të vënë në rrugën e duhur projektet dhe planet për transformimin e kryeqytetit.
“Të dashur qytetarë, udhëtuam plot një vit së bashku prej ditës që ma dhatë votëbesimin për të qenë kryetar i Kryeqytetit. Fillimet janë plot sfida, të cilat vetëm me dedikimin, energjinë dhe punën e pandalshme të krejt ekipit, i kapërcyem për të vënë në rrugën e duhur projektet dhe planet për transformimin e Kryeqytetit dhe përmirësimin e jetës së gjithsecilit”, ka shkruar ai, duke i falënderuar të gjithë për mbështetjen e vazhdueshme. /Telegrafi/
Promo
Reklamo këtuLufta Prigozhin - Putin
Më shumëÇka tha diplomati slloven Zhbogar në OKB që u irritua Vuçiqi?
Kërkesat e shumta për dokumente personale, MPB zgjat orarin për ofrimin e shërbimeve - do të punohet edhe të shtunave
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Djegia e shtëpisë dyshohet të jetë shkaktari i vrasjes së djeshme në Pejë – viktima dhe i dyshuari ishin miq
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
KSHZ pas numërimit të 99.85% të votave, Osmani 13.36%, Taravari 9.21%
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën