Një i vdekur dhe disa të plagosur nga një sulm i dyfishtë vetëvrasës në Tunizi, pamje nga vendi i ngjarjes (Foto/Video)

Dy shpërthime vetëvrasëse kanë ndodhur në kryeqytetin e Tunizisë, ku si pasojë thuhet se ka mbetur një i vdekur, përveç sulmuesve.

Gjithashtu, sipas mediave të huaja, përcjell Telegrafi, sulmi i dyfishtë ka shkaktuar shumë të lënduar në Tunis.

Police Truck targeted by suicide attack in downtown #Tunis on avenue Bourguiba. #Tunisia pic.twitter.com/gGU0sgNBZz

— karim (@Specta_Orientem) June 27, 2019

Pasi një bombardues goditi një makinë policie, një e dytë thuhet se ndodhi në selinë e qeverisë së shefave anti-terrorist të qeverisë.

Sulmi i parë kishte në shënjestër një makinë policie në rrugën Charles de Gaulle në qendër të Tunisit, thanë dëshmitarë për Reuters.

Një polic u vra dhe të paktën një oficer tjetër dhe tre civilë u plagosën në shpërthimin e parë, sipas Ministrisë së Brendshme.

Ndërsa katër të tjerë mendohen të jenë lënduar në shpërthimin e dytë në rrethin e al-Qarjani.

Policia me forcë të armatosur rrethoi vendet e sulmeve.

Nuk është e qartë kush është prapa sulmeve, të cilat ndodhën disa muaj para zgjedhjeve dhe në kulmin e një sezoni turistik në të cilin Tunizia shpreson për një numër rekord vizitorësh.

Bombardimi i fundit vetëvrasës për të goditur Tunisin ishte në vitin 2015 kur u drejtua një autobus që mbante anëtarë të rojës presidenciale. /Telegrafi/