Një shtëpi prej rreth tridhjetë metra katrorë që ofron gjithçka që ju nevojitet
Nëse ëndërroni të ndryshoni diçka në jetën tuaj dhe të filloni një udhëtim plot emocione dhe aventura, mund t'ju pëlqejë ideja e një mini-shtëpie.
Të jetosh në shtëpi të vogla është një dukuri gjithnjë e më e zakonshme e ditëve të sotme.
Njëra prej tyre ka një çati që hapet dhe zbulon katin e dytë vetëm kur është e ngritur, transmeton Telegrafi.
Shtëpia ka një sipërfaqe prej 28 metrash katrorë me mure me panele druri dhe dysheme druri, si dhe shkallë që të çojnë në katin e dytë.
Një detaj veçanërisht interesant është se çatia mund të hapet dhe zgjerohet për të lejuar hyrjen në katin e parë.
Kjo është një shtëpi e re në të cilën, pasi të parkohet dhe zgjerohet, një familje prej katër anëtarësh mund të flejë, dhe kur jeni në rrugë, mund ta tërhiqni me vete si një rimorkio.
Ka dy dhoma gjumi, kuzhinë dhe banjo dhe është plotësisht funksionale.
Shtëpiza është vepër e stilistëve familjarë të shtëpive të vogla, Tiny House NYC.
Është një frymëzim i madh për ata që po mendojnë për një ndryshim jete dhe një shtëpi të re, por edhe nëse janë thjesht në kërkim të një ideje për një shtëpi fundjave. /Telegrafi/
