Një person goditet nga vetura në Ozdrim të Pejës – dërgohet në QKUK

Një aksident trafiku ka ndodhur këtë të shtunë në fshatin Ozdrim të Pejës.

Rreth orës 17:30, një veturë ka goditur një person duke i shkaktuar lëndime trupore.

Lajmin për Telegrafin e ka konfirmuar zëdhënësi i Policisë së Kosovës për rajonin e Pejës, Fadil Gashi.

“Rreth orës 17:30 ka ndodhur një aksident trafiku në fshatin Ozdrim. Një veturë ka goditur një person. Vozitësi i automjetit e ka dërguar viktimën në Spitalin e Pejës dhe nga aty e ka njoftuar policinë për rastin”, ka thënë Gashi.

Ai tutje ka bërë të ditur se me udhëzim të mjekut, i lënduari është dërguar për trajtim të mëtutjeshëm mjekësor.

“Njësitë kompetente policore janë në vendin e ngjarjes”, ka përfunduar Gashi.

Ndryshe, gjatë pasdites së kësaj të shtune ka ndodhur edhe një aksident tjetër trafiku në fshatin Gllarevë të Klinës. Gashi ka bërë të ditur se në të janë përfshirë tri vetura, por përveç dëmeve materiale nuk ka të lënduar. /Telegrafi/