Një mik i ndërroi jetë nga coronavirusi, Bebe Rexha i drejtohet Trumpit: Qeveria të ndihmojë amerikanët ekonomikisht

Këngëtarja me origjinë shqiptare, Bebe Rexha, bëri disa statuse së fundmi në rrjetin social Twitter, duke njoftuar se një mik i një mikut të saj kishte ndërruar jetë pasi ishte infektuar nga coronavirusi.

“Kjo nuk është një shaka. Një mik i një miku sapo vdiq nga coronavirusi në moshën 45 vjeçe” shkroi ajo. “Qëndroni të sigurt në shtëpi dhe bëni detyrën tuaj. Ju lutemi”, vazhdoi 30-vjeçarja.

This is NOT A JOKE. A friend of a friend just died of corona at the age of 45. STAY INSIDE YOUR FUCKIN HOUSE AND DO YOUR CIVIC DUTY. PLEASE.

— Bebe Rexha (@BebeRexha) March 16, 2020

Në një status të veçantë, Rexha ofroi mendimin e saj se si qeveria mund të ndihmonte amerikanët, duke etiketuar drejtpërdrejt presidentin e ShBA-së, Donald Trump.

“Qeveria amerikane duhet të ndalojë pagesat me qira, pagesat e hipotekave dhe pagesat e shërbimeve, të paktën derisa virusi corona të jetë nën kontroll”, tha Rexha. “Miliona Amerikanë janë të shqetësuar për mbajtjen e punëve të tyre dhe shtëpitë e tyre në vend që të qëndrojnë të sigurt”, vazhdoi shkrimin e saj artistja me prejardhje nga Dibra.

The US government should put a stop to rent payments, mortgage payments and utility payments at least until the corona virus is under control. Millions of Americans are worried about keeping their jobs and their homes instead of staying safe. @realDonaldTrump

— Bebe Rexha (@BebeRexha) March 16, 2020

Këngëtarja më pas ofroi ndihmë për disa ndjekës që janë duke luftuar financiarisht, duke u zotuar se do t’i dërgojë para përmes aplikacionit Cashapp.

Rexha nuk është e famshmja e vetme e shqetësuar nga situata që coronavirusi ka krijuar këto ditë.

Tom Hanks, Rita Wilson, Idris Elba dhe Kristofer Hivju janë yjet e Hollywoodit që kanë njoftuar se kanë dalë pozitivë në testimet për COVID-19, dhe që nga ajo kohë kanë hyrë në izolim dhe kanë kërkuar kujdes. /Telegrafi/