Një burrë në Oklahoma shpenzoi mbi 100 mijë dollarë pë rrestaurimin Ford F100 të vitit 1967 – dhe makina ende nuk është funksionale

Një baba në Oklahoma shpenzoi mbi 100,000 dollarë për të restauruar një Ford F100 të vitit 1967, një dhuratë për ditëlindjen e 16-të të djalit të tij.

Edhe pse punishtja vendase kishte premtuar një afat për përfundimin, pas dy vitesh kamioni ende nuk ishte funksional.

Gjatë kësaj kohe, babai merrte fatura të vazhdueshme për punë që thuhej se ishte bërë, ndërsa pronari i punishtes justifikohej me mungesën e pjesëve — një justifikim që dukej i pabesueshëm për një makinë kaq të zakonshme, përcjell Telegrafi.

Kur babai kundërshtoi të paguante më shumë, ai u kërcënua se kamioni do të merrej ligjërisht nga punishtja përmes një procedure të quajtur “Title 42”.

I ndjerë i mashtruar dhe pa rrugëdalje, ai iu drejtua një gazetari investigativ.

Kur u përball me pyetje, pronari i punishtes u përpoq ta paraqiste veten si viktimë, duke theksuar se biznesi ishte në pronësi të një gruaje emigrante kolumbiane.

Ky rast tregon sesi klientët mund të bllokohen nga punishtet mashtruese dhe thekson rëndësinë e kontratave të qarta dhe të reagimit të shpejtë nëse gjërat nuk ecin si duhet. /Telegrafi/