LAJMI I FUNDIT:

Protesta në veri, serbët kërkojnë të anulohet vendimi për dinarin

Protesta në veri, serbët kërkojnë të anulohet vendimi për dinarin

E plotësuar – Serbët sot protestuan në veri kundër rregullores së BQK-së  që ndalon përdorimin e dinarit si mjet pagese.

Qytetarë të shumtë ishin mbledhur në sheshin në veri të Mitrovicës.

Kryetarja e pensionistëve ka bërë thirrje për bashkësinë ndërkombëtare që ta dëgjojë apelin e tyre për ndërprerje të vendimit.

“Po i drejtohemi krejt botës që ta dëgjojë apelin tonë. Për ne është shumë me rëndësi që të ndërpritet ky vendim që ne të mund të marrim paga në banka dhe posta dhe të mund të jetojmë si të gjitha shtetet normale”, ka thënë ajo.

Protesta është mbyllur pas fjalimeve të përfaqësuesve serbë.

Nis protesta e serbëve në veri kundër Rregullores së BQK-së

Qytetarë të shumtë serbë në veri janë mbledhur të protestojnë të hënën kundër Rregullores së re të Bankës Qendrore të Kosovës për dinarin serb.

Ndërkaq, në protestë shihet edhe një numër i shtuar i forcave policore.

Prezent në protestë janë edhe zyrtarët e Listës Serbe.

Kujtojmë se, kryeministri i vendit, Albin Kurti dje ka thënë se Kosova nuk ndalon dinarin serb, por futjen e tij përmes thasëve në kufi. /kp/