Nis ndërtimi i stadiumit nacional të Kosovës

Kanë nisur punët për ndërtimin e stadiumi të ri të përfaqësueses së Kosovës në futboll.

Kështu së paku ka bërë të ditur një zyrtar i Ministrisë për Kulturë, Rini dhe Sport e Kosovës.

Florim Kryeziu ka publikuar disa fotografi dhe një video teksa shihet se kompania ndërtuese ka nisur punët fillestare.

Stadiumi nacional do të ndërtohet në magjistralen Prishtinë – Drenas dhe pritet të kushtojë rreth 50 milionë euro gjersa do të ketë kapacitet prej 30 mijë ulësesh.

Arena, e cila pritet të jetë gati deri në vitin 2021, do të ndërtohet nga korniza e betonit që do të mbështesë tasin e ndenjëseve dhe një kornizë çeliku të lehtë duke mbajtur fasadën strukturore të pëlhurave të stadiumit.

“Struktura e re urbane do të jetë një urë për njerëzit, duke i bashkuar ata me gëzimin e sportit”, ka thënë Murat Tabanlioglu, themelues i studios nga Stambolli, Tabanlioglu Architects.

Lexo po ashtu Prezantohet projekti për stadiumin Kombëtar të Kosovës

Ai do të ndërtohet së bashku me dy fusha të trajnimit, si dhe një grup ndërtesash që strehojnë objekte tregtare dhe argëtuese. /Telegrafi/