Nicole Scherzinger, 47 vjeçe, ndezi rrjetet sociale teksa ndau një video në Instagram ku shfaqej me bikini të kaltra.
Këngëtarja dhe ish-anëtarja e “Pussycat Dolls” pozoi me vetëbesim në bregdet, duke treguar linjat e saj të tonifikuara dhe stilin e rafinuar.
Pamjen e kompletoi me syze aviator dhe flokë të lagur, ndërsa performonte me hapa të sigurt nën tingujt e hitit të Britney Spears, “Lucky”, shkruan DailyMail.
Në një moment ajo humbi ekuilibrin dhe u pengua në mënyrë qesharake, duke e shndërruar incidentin në një moment simpatik që i dha hijeshi videos.
Fansat reaguan me entuziazëm, duke e quajtur “rënien më elegante që kanë parë ndonjëherë”.
Postimi erdhi pak pas aludimeve për një ribashkim të “Pussycat Dolls”, ku Nicole u shfaq me bizhuteri të personalizuara që mbanin emrin e grupit.
Ndërkohë, artistja ka zbuluar se është duke punuar për projekte të reja muzikore, krahas angazhimeve të saj në teatër, ku së fundmi ka fituar çmimin prestigjioz Olivier për rolin kryesor në “Sunset Boulevard”. /Telegrafi/
