Britania e Madhe ka bërë të ditur emrin e ri të ambasadorit të saj në Kosovë, i cili do të vijë në këtë pozitë pas skadimit të mandatit të ambasadorit aktual Ruairi O’Connell.

Nicholas Abbott është emëruar ambasadori i Britanisë së Madhe në Kosovë.

Abbott do të marrë pozitën e tij në shtator të këtij viti. Ndërkaq, ambasadori Ruairi O’Connell do të transferohet një shtet tjetër me mision diplomatik.

Ambasadori i ri, Abbott është i martuar dhe baba i dy vajzave. Gjatë karrierës së tij ka kryer misione të rëndësishme diplomatike dhe politike në shumë vende të botës. /Telegrafi/