LAJMI I FUNDIT:

Ngritet aktakuza për tentim vrasjen e Ziadin Selës

Ngritet aktakuza për tentim vrasjen e Ziadin Selës

Prokuroria Themelore Publike në Shkup sot në Gjykatën Penale ka dorëzuar aktin prokuror kundër dhjetë personave për tentim vrasjen e deputetit Ziadin Sela.

“Të akuzuarit, së bashku me persona tjerë të cilët për momentin nuk u është vërtetuar identitetit, kanë tentuar ta vrasin të lënduarin Ziadin Sela. Një pjesë e të akuzuarve kanë shfrytëzuar lëndë të forta, me të cilat e kanë goditur të dëmtuarin dhe i kanë shkaktuar lëndime seioze për jetën e tij. Të akuzuarit tjerë veprën e kanë kryer me grushta”, njoftoi Prokuroria, përcjell Telegrafi Maqedoni.

Prokurori Publik ka dorëzuar edhe propozim për vazhdimin e masës së paraburgimit për dhjetë të akuzuarit, ndërsa për njërin prej tyre masën e arrestit shtëpiak.

“Prokuroria vlerëson se ekzistojnë baza ligjore për vazhdimin e masës së kërkuar për siguri, pasi ekziston bazë për arratisjen e tyre, ndikim mbi dëshmitarët, si dhe kryerje të veprave tjera penale”, thonë nga Prokuroria./Telegrafi/