LAJMI I FUNDIT:

‘Nga shkrimi në mallim’, recension i Fahredin Shehut për veprën “Asnjë ZË tjetër” të Sali Bashotës

‘Nga shkrimi në mallim’, recension i Fahredin Shehut për veprën “Asnjë ZË tjetër” të Sali Bashotës

Në “asnjë ZË tjetër”, Sali Bashota nuk është publicist, kritik letrar, prozator, poet, profesor letërsie, por njeriu, i cili di të shpreh tërë fuqinë mendore, psikike dhe shpirtërore te njeriu, në më pak se 100 faqe tekst të rafinuar me shumë pasion

Nga Fahredin Shehu

Mbase brenda ditës lexoj 50 poetë botëror që më nisin me nga tre poezi me shpresën se do t’i ftoj në festivalin e poezisë që mbahet tash e 5 vite çdo shtator në Rahovec, e kjo do të thotë shumë se nuk flet një person, i cili kalon ditën në rrjetet sociale as dikush që paguhet për të shkruar panagjiri për një pale libër.

Sali Bashotën e njoh larg më pak se Basri Çapriqin, por ky libër për të cilin shkruaj më shtyri që, ta mpreh lapsin derisa t’i soset boja. Parimi … Libri duhet të më pëlqej për të shkruar për të…andaj asnjëri nga poetët për, të cilët harxhoj kohën nuk gjej gjithëkaq përkushtim, dhembje, dashuri për një qenie njerëzore dhe si më mirë e gjithë kjo mund të artikulohet pos me poezi me humnerat e saja të sipërisë dhe gravitetitn e saj të brendshëm që të përpin si një Magnetar.

Kur kam përkthyer poezinë Mongole të shek. XIII, të princit TSOGTU në vitin 2015, jam mahnitur me faktin se dikush i kushton poezi hallës e që kjo poezi gjendet e gdhendur në malin Mongol.

Tani kur lexoj “asnjë ZË tjetër”, të Sali Bashotës njëlloj fascinohem, sepse në këtë krizë morale që e ka kapluar Kosovën ka njerëz që fillimisht ndërmarrin iniciativën që t’ia dedikojnë një libër me poezi një kolegu, miku dhe njeriu që ishte shembull për të gjithë dhe i cili Mirësinë na e la maraz për gjeneratat që vinë. E ky ishte Basri Çapriqi.

Letërsia jonë ndoshta ende nuk ka vajtuar ndoshta edhe nuk di të vajtojë për Basri Çapriqin!

S’KE ME DAL NGA PARAJSA, është titulli i poezisë së parë, e cila e hap dhe e shpalos kreativitetin dhe lamentin për humbjen e mikut Çapriqi dhe vargje:

/shpiti yt pushon i qetë në tokën e Prishtinës
Në krahun e djathtë të Ali Podrimës
Të dy u lexoni poezi të amshuarve/

janë vargjet esatologjike, e gjithë drama e pavdekshmërisë së poetit apo edhe dhembja e pashuar për të.

Libri ka edhe lirikat, të cilat sikur shëmbëllejnë poezinë e pashkruar të Çapriqit.

Sali Bashota është ndër poetët tanë më të shquar. Librat e tij janë përkthyer në gjuhët rumune, gjermane, angleze, maqedone, frënge, bullgare, suedeze, italiane, greke dhe Esperanto, ndërkaq vargu i tij pos që fisnikëron Letërsinë Shqipe, ai e begaton edhe Letërsinë Botërore si tërësi.

Libri “asnjë ZË tjetër”, është botua nga Botimet e Kolegjit Universitar AAB në vitin 2018 dhe i ka 86 faqe. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori