Nga senatorët e yjet te ballkanasit dhe latinët – përçarja e ekipit përmendet si arsyeja kryesore e paraqitjeve të dobëta të Atletico Madridit këtë sezon

Atletico Madridi po jeton një moment të komplikuar. Los Rojiblancos u eliminuan nga Superkupa e Spanjës dhe Kupa e Mbretit brenda një jave, dhe janë shumë larg ritmit në La Liga pavarësisht se janë kampionë në fuqi. Ata përballen me Manchester United në 1/16-tën e Ligës së Kampionëve, por pak do t’i mbështesin ata bazuar në formën e tyre aktuale.

Sipas gazetës Marca, çështja në Wanda Metropolitano, është se kimia e ekipit është hedhur poshtë. Një pjesë e madhe e kësaj është për shkak të dy nënshkrimeve të mëdha që erdhën gjatë verës, Rodrigo de Paul dhe Antoine Griezmann.

De Paul erdhi si yll, dhe kjo nuk i pëlqeu sektorit të veteranëve të zhveshtores së Atleticos. Miqësia e tij me Luis Suarez, nëpërmjet mikut të tyre të përbashkët, Lionel Messi, ka shërbyer edhe për të ndarë ‘El Pistoleron’ nga pjesa tjetër e zhveshtores.

Griezmann është përshtatur më lehtë për shkak të marrëdhënieve para-ekzistuese me Atleticon, me Koken që është një mik i ngushtë. Por, fakti që ai zëvendësoi Angel Correan, një nga anëtarët më të dashur dhe më të respektuar të skuadrës, me një lehtësi të tillë, ka rrënuar situatën.

Por, ato nuk janë arsyet e vetme për mungesë uniteti. Janë zhvilluar gjithashtu klika të ndryshme, ku grupi ballkanik i Jan Oblak, Sime Vrsaljko dhe Stefan Savic shpesh kalojnë kohë së bashku.

Një situatë e ngjashme mund të gjendet me grupin ‘latin’.

Joao Felix, Renan Lodi, Matheus Cunha dhe Felipe janë grupi tjetër, por të cilëve u janë bashkuar edhe Yannick Carrasco dhe Thomas Lemar.

Disa nga skuadra mendohet gjithashtu se janë të zhgënjyer me mënyrën se si klubi ka trajtuar Hector Herreran, kontrata e të cilit skadon në fund të sezonit me kërkesë të Diego Simeones.

Megjithatë, është një situatë e shoqëruar me rezultate të dobëta dhe mund të ndryshohet nëse skuadra shkon në një formë të mirë. /Telegrafi/