Nëse u besohet këtyre të dhënave, Putini “ka lënë një numër të madh të pajisjeve ushtarake” në Ukrainë

Rusia ka nxjerrë rreth gjysmën e artilerisë së saj nga bazat e saj të ruajtjes që nga fillimi i pushtimit të Ukrainës.

Dhe kjo, siç supozojnë mediat e huaja, përcjell Telegrafi, kjo sugjeron një shkallë të lartë të prishjes së pajisjeve të saj, sipas imazheve satelitore të cituara nga analistët e inteligjencës me burim të hapur (OSINT).

Gjatë luftës së nisur nga udhëheqësi i saj Vladimir Putin, Rusia ka humbur një numër të madh trupash, si dhe pajisjesh.

Lexo po ashtu Dy emrat që flitet se janë në “top listën” e Zelenskyt në riorganizimin e udhëheqjes ushtarake dhe politike të Ukrainës

Në këtë drejtim, ka vlerësime të ndryshme si nga Kievi ashtu edhe nga aleatët e tij, veçanërisht që nga fillimi i ofensivës së Moskës në Avdiivka, rajoni i Donetskut.

Por, si Moska ashtu edhe Kievi janë “të mbyllur” në lidhje me humbjet e tyre, duke zbuluar rrallë se sa pajisje janë shkatërruar.

1/ @CoverCabal and I have counted and identified both SPGs and towed artillery at russian storage bases and you can find our numbers in this thread or on Youtube. I have also added some interesting spots and answered some common questions below. https://t.co/9SrIe2ti64

— high_marsed (@HighMarsed) February 3, 2024

Sipas Oryx, deri të martën, Rusia kishte humbur 666 pjesë të artilerisë vetëlëvizëse (SPG) dhe 340 pjesë të artilerisë së tërhequr (SA).

Faqja e internetit gjurmon humbjet duke përdorur prova foto ose video, megjithëse me paralajmërimin se sasia e pajisjeve të shkatërruara është “dukshëm më e lartë”.

Megjithatë, të dhënat nga analistët e OSINT, High_Marsed dhe Cover Cabal, të postuara në X (më parë Twitter), treguan se forcat e Moskës kanë përdorur një numër të madh të të dy formave të pajisjeve nga stoqet e saj, për shkak të humbjeve të larta.

Lexo po ashtu Zalushnij - Zelensky, çfarë po ndodh në raportet mes gjeneralit dhe presidentit ukrainas?

Raporti i analistëve i postuar më 3 shkurt zbuloi se, para luftës, Rusia kishte 4,450 SPG në ruajtje në bazat e saj më të rëndësishme, por kjo është zvogëluar me 1,489 në 2,961.

Vlerësimi i tyre për artilerinë e tërhequr kishte rënë nga 14,631 para pushtimit në 6,786, një rënie prej 7,845.

Postimi në X thoshte se analistët kishin besim në saktësinë e numërimit të paraluftës dhe në numrin e SPG-ve, por artileria e tërhequr ishte më e vështirë për t’u identifikuar, kështu që numrat mund të ndryshojnë në të ardhmen. /Telegrafi/