Nertila është kuadër e krijuar në Maqedoni në sferën e komunikimit dhe për atë kemi biseduar me të për të diskutuar në lidhje me dallimet e punës në Maqedoni dhe në Danimarkë, ku ajo tani punon si menaxhuese e rrjeteve sociale në një kompani.

Arifi thotë se jeta është shumë më e mirë në Kopenhagë ndërsa puna është më e rëndë atje pasi ka më shumë sfida, njofton Telegrafi Maqedoni.

Asaj i mungojnë shumë malet e Maqedonisë, ushqimi vendor dhe bio. Ajo thotë se nuk e ka mendjen të kthehet në Maqedoni për të ushtruar profesionin në pesë vitet e ardhshme.

Këshillat që do t’i kishte dhënë vetes po të ishte 10 vite më e re do të ishin që mos dorëzohet, të jetë më e hapur dhe të njeh më shumë kultura të reja.

Nertila Arifi gjithashtu njihet edhe për udhëtimet dhe për këtë ajo thotë se kjo aventurë është e rëndësishme për të njohur tjerët, kulturat e tjerëve dhe të shijojë ushqimin e vendeve të ndryshme.

Fleksibiliteti në punë dhe profesionalizmi në grupin e punës, është ajo që e dallon ambientin e punës në Kopenhagë në krahasim me Maqedoninë. /Telegrafi/

Shikojeni videon për më shumë.