Në Venezuelën e goditur nga hiperinflacioni, grumbuj parashë për të blerë artikujt elementarë jetësor (Foto)

Krahasimet marramendëse i tregojnë sasitë enorme të parave, që nevojiten për të blerë disa nga gjërat elementare në Venezuelë, ku hiperinflacioni ka dalë jashtë kontrolli.

Për të blerë një pulë që peshon 2.4 kilogramë nevojiten 14,600,000 bolivarë, që është ekuivalenti i dy eurove, apo 2,600,000 bolivar për një tub të vetëm letre higjienike, që nuk është më shumë se 40 cent, transmeton Telegrafi.

Venezuela është goditur nga një kaos ekonomik, nën regjimin socialist të Nikolas Maduro, i cili prezantoi së fundmi një ligj kontrovers të politikave fiskale.

Hiperinflacioni është shfrenuar deri në atë pikë, sa që blerësit duhet të bartin para me karrocë, për të blerë disa prej gjërave më elementare.

Maduro ka prezantuar një plan të ri gjatë javës që po lëmë pas, në përpjekje ta ndaloi hiperinflacionin dhe të nxjerrë kartëmonedha të reja me pesë zero më pak, në mënyrë që ta shpëtojë bolivarin e gjymtuar.

Në të njëjtën kohë, është premtuar edhe rritja e pagës minimale, për herë të pesë gjatë këtij viti. /Telegrafi/