Në një tubim në Amsterdam, një burrë kap mikrofonin e Greta Thunberg – pasi ajo ftoi një palestineze dhe një grua afgane në skenë

Fjalimi i Greta Thunberg para mijëra njerëzve në Amsterdam u ndërpre nga një burrë që i tha asaj ‘kam ardhur për një demonstrim klimatik, jo për një pikëpamje politike’ pasi ajo ftoi një palestineze dhe një grua afgane në skenë.

Sipas mediave të huaja, përcjell Telegrafi, Thunberg po fliste me një turmë prej dhjetëra mijëra njerëzish në Amsterdam kur u kërkoi disa grave që t’i bashkoheshin asaj në skenë.

“Si lëvizje për drejtësi klimatike, ne duhet të dëgjojmë zërat e atyre që po shtypen dhe të atyre që luftojnë për liri dhe drejtësi. Përndryshe, nuk mund të ketë drejtësi klimatike pa solidaritet ndërkombëtar”, citohet të ketë thënë Thunberg.

Pasi palestinezja dhe gruaja afgane, Sahar Shirzad folën, Thunberg rifilloi fjalimin e saj, duke theksuar se “njerëzit në pushtet nuk kanë dëgjuar”, një burrë doli në skenë dhe e ndërpreu atë, duke ia kapur mikrofonin.

“Kam ardhur këtu për një demonstrim klimatik, jo për një pikëpamje politike”, tha ai, përpara se të largohej nga anëtarët e turmës.

Dhe Thunberg më pas kapi mikrofonin dhe përsëriti, ‘qetësohu’.

Greta Thunberg was briefly interrupted by a man who approached her on stage after she invited a #Palestinian and an Afghan woman to speak at a climate protest in the #Dutch capital.

The Swedish activist, speaking in a traditional black and white Palestinian scarf, said the… pic.twitter.com/Ma7HGBcolw

— NEXTA (@nexta_tv) November 12, 2023

Pas një pauze të shkurtër ajo filloi të thoshte: “Nuk ka drejtësi klimatike në tokën e pushtuar”.

Ndonëse identiteti i burrit nuk ishte i qartë por ai kishte veshur një xhaketë me emrin e një grupi të quajtur Water Natuurlijk – i cili kishte zgjedhur anëtarë në bordet holandeze të ujit.

Përpara se aktivistja Thunberg të dilte në skenë, ngjarja u ndërpre për një kohë të shkurtër pasi një grup i vogël aktivistësh në ballë të turmës valëvitnin flamujt palestinezë dhe brohoritnin slogane pro-palestineze.

Incidenti erdhi pasi dhjetëra mijëra njerëz marshuan nëpër rrugët e Amsterdamit duke bërë thirrje për më shumë veprime për të trajtuar ndryshimet klimatike në një protestë masive vetëm 10 ditë përpara zgjedhjeve kombëtare.

Organizatorët pretenduan se 70,000 njerëz morën pjesë në marshim dhe e quajtën atë protestën më të madhe klimatike në Holandë. /Telegrafi/