Poezi nga: Wystan Hugh Auden
Përktheu Kujtim Morina
1
Ai u zhduk në dimrin e vdekur;
Përrojet kishin ngrirë, aeroportet pothuaj të shkretë,
bora kishte deformuar statujat publike;
Merkuri fundosej në gojën e ditës së tharë.
Për çfarë instrumentesh kemi rënë dakord,
dita e vdekjes së tij ishte një ditë e zymtë e ftohtë.
Larg nga sëmundja e tij,
ujqit vraponin përmes pyjeve përherë të gjelbra,
lumi në fshat nuk tundohej nga kalatat elegante;
Nga gjuhët e zisë
vdekjen e poetit e mbanin larg vjershat.
Por, për të ishte pasditja e fundit si vetja e tij,
një mbasdite infermjeresh dhe thashethemesh;
Provincat e trupit të tij u revoltuan,
rrathët e mendjes së tij ishin bosh,
heshtja pushtoi rrethinat,
rryma e ndjenjës së tij u ndal; ai u bë admiruesit e tij.
Tani ai është i shpërndarë në qindra qytete
dhe i dhënë i gjithi dashurive të panjohura,
për të gjetur lumturinë në një lloj tjetër pylli
dhe për tu dënuar nga një kod i huaj ndërgjegje.
Fjalët e një të vdekuri
modifikohen në kurajën e të gjallit.
Por në rëndësinë dhe zhurmën e së nesërmes
kur sekserët hungërijnë si bishat mbi dysheme të Bursës*
dhe të varfërit kanë vuajtjet për të cilat ata janë mësuar mirë
dhe secili në qelinë e vet është pothuaj i bindur për lirinë që ka,
disa mijëra do të mendojnë për këtë ditë
si kur bën diçka disi të pazakonshme
Për çfarë instrumentesh kemi rënë dakord,
dita e vdekjes së tij ishte një ditë e zymtë e ftohtë.
2
Ti ishe budalla si ne, talenti yt të shpëtoi;
I dëbuari i grave të pasura, rrënimi fizik,
Ti. Irlanda e çmendur të lëndoi në poezi.
Tani ajo e ka çmendurinë dhe motin të ndalur,
sepse poezia nuk e ndryshon botën, ajo mbijeton
në luginën ku shkruhet dhe ku sunduesit
nuk duan kurrë të ngatërrohen, rrjedh në jug
nga fermat e izolimit dhe brengat e pafund,
nga qytezat e pazhvilluara tek të cilat besojmë dhe vdesim;
ajo mbijeton, është ndodhi më vete, gojë.
3
Tokë, prit një mik të nderuar
Uilliam Jitts në prehjen e amshuar.
Lëri venat irlandeze të shtrihen
të lira nga poezitë e tij.
Në ankthin e e këtij terri,
të gjithë qentë e Evropës lehin
dhe kombet e gjalla presin
me urrejtje që nuk vdesin.
Paturpësia intelektuale
duket në çdo qënie humane,
dhe detet e mëkatit janë aty
të kyçura dhe të ngrira në çdo sy.
Ndiq poet, ndiq të drejtën
deri në fund të natës së errët,
me zërin tënd të papërmbajtur
na bind përsëri të jemi bashkë.
Me shkrimin e një poezie,
bëj një vreshtë prej mallkimeve,
këndo për dështimet njerëzore
në ekstazën e dëshpërimit prore.
Në shkretëtirat e zemrës
lëre burimin e shërimit të ndezet,
në burgun e ditëve të veta
mësoje njeriun e lirë ç’është jeta.
Promo
Reklamo këtuLufta Prigozhin - Putin
Më shumëFadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
“Një autograf për nipin tim - skllavin tuaj”!
"Ishulli i vdekjes" i Britanisë së Luftës së Dytë Botërore
Binjaket magjepsëse dhe shkrimtarët e famshëm
Karakteret letrare në novelat e Migjenit
Thënie të zgjuara të emrave të mëdhenj: Jeta është përgatitje e gjatë për diçka që nuk ndodh!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën