Pas takimit me kryeministrin sllovak, Robert Fico, Volodymyr Zelensky njoftoi se Sllovakia tashmë mbështet anëtarësimin e Ukrainës në Bashkimin Evropian.
Fico theksoi se, megjithëse Sllovakia nuk mund të ofrojë garanci sigurie, ajo mbështet fuqishëm iniciativa të ndryshme dhe e përkrah formulën e paqes të presidentit ukrainas.
Ai gjithashtu shprehu dëshirën që marrëdhëniet mes dy vendeve të forcohen dhe të mbeten miqësore.
Marrëdhëniet midis Sllovakisë dhe Ukrainës konsiderohen nga Fico si një shembull i bashkëpunimit të frytshëm mes vendeve me pikëpamje politike të ndryshme, duke treguar se ndryshimet nuk pengojnë dialogun dhe bashkëpunimin efektiv.
Ky është një lajm i mirë për Ukrainën, e cila po kërkon fuqimisht mbështetje në rrugën e saj drejt integrimit evropian.
Ndryshe, Sllovakia dhe Hungaria ishin dy vendet që kanë kundërshtuar anëtarësimin e Ukrainës në BE dhe NATO. /Telegrafi/
