Ashtu si pjesa tjetër e botës, edhe Ballkani Perëndimor është ndikuar shumë nga teoritë konspirative, ku për shkak të pandemisë lindin dyshime për politikat qeveritare dhe besimi tek institucionet.
Shkalla dhe intensiteti i këtyre teorive dhe implikimet e tyre janë tejet të forta, ku nuk përjashtohet edhe Kosova.
Sipas hulumtimit të publikuar nga Grupi Këshillimor i Politikave ‘Ballkani në Evropë’ rreth 55 për qind të qytetarëve të Kosovës që kanë marrë pjesë në një anketë, kanë deklaruar se nuk do të marrin vaksinën kundër COVID-19.
“Veçanërisht te serbët e Kosovës, komuniteti më i predispozuar ndaj teorive konspirative, shfaqet edhe rezistenca më e madhe ndaj vaksinimit: 89.6% e serbëve të anketuar nga Kosova e refuzuan vaksinën”, thuhet në këtë hulumtim.
Mesatarisht 50 për qind e të anketuarve nga Ballkani Perëndimor kanë deklaruar se nuk duan të vaksinohen kundër coronavirusit.
“Në periudhën kur u krye ky sondazh (tetor 2020) gatishmëria e qytetarëve në Ballkanin Perëndimor për të marrë vaksinën është më e ulët se në vendet e tjera të Evropës”, thuhet tutje.
Ashtu si pjesa tjetër e botës, edhe Ballkani Perëndimor është ndikuar shumë nga teoritë konspirative, ku për shkak të pandemisë lindin dyshime për politikat qeveritare dhe besimi tek institucionet. Shkalla dhe intensiteti i këtyre teorive dhe implikimet e tyre janë tejet të forta, ku nuk përjashtohet edhe Kosova.
Kështu thuhet në hulumtimin e publikuar nga Grupi Këshillimor i Politikave ‘Ballkani në Evropë’ (Balkans in Europe Policy Advisory Group -BiEPAG), të titulluar “Virusi i dyshimtë – Konspiracionet dhe COVID-19 në Ballkan”.
Sipas këtij hulumtimi teoritë konspirative lidhur me Covid-19 mbështeten nga rreth 1/4 deri në 1/3 e popullsisë, ndërkohë që më shumë se 75% e qytetarëve të anketuar në Ballkanin Perëndimor besojnë në një ose disa nga gjashtë teoritë konspirative që lidhen me Covid-19.
“As arsimi, as mosha dhe as gjinia nuk kanë ndikim të madh te këto shifra. Përkundrazi, ekziston një tendencë gjeopolitike, ku besimi te teoritë konspirative bashkëshoqëron shpesh ndjenjat për ShBA-të dhe Kinën. Pakicat, që janë më të cenueshëm dhe që kanë më pak besim te shteti, janë më të prekshëm ndaj konspiracioneve”, thuhet në këtë hulumtim.
Po ashtu, ky hulumtim ka vënë në pah se ka një lidhje të drejtpërdrejtë mes mbështetjes për teoritë konspirative dhe skepticizmit ndaj vaksinimit.
“Shumica në të gjithë rajonin nuk kanë ndërmend të marrin vaksinën, raport që është mjaft më i ulët se në vende të tjera në Evropë, ku shumica mbështetin marrjen e vaksinës. Teoritë konspirative përbëjnë rrezik për shëndetin publik në Ballkanin Perëndimor dhe dobësojnë besimin tek institucionet dhe te shteti duke nxitur një botëkuptim populist që minon zhvillimin demokratik”, vazhdon hulumtimi të cilin mund ta shihni të plotë duke klikuar KËTU.
Ndryshe, Udhëheqësi i Zyrës së Bashkimit Evropian në Kosovë, Tomas Szunyog ka thënë se mbi 300 mijë qytetarë të Kosovës do të përfitojnë nga iniciativa e Bashkimit Evropian të ndihmuar shtetet e Ballkanit Perëndimor me vaksinën kundër COVID-19.
Lajmi është bërë i ditur përmes një postimi në Twitter nga Szunyog.
“Falë kontributit të Bashkimit Evropian për vaksinën e COVID-19, Kosova do të përfitojë vaksina falas për më shumë se 300 mijë persona”, shkruan ai në Twitter.
Presidentja e Komisionit Evropian, Ursula von der Leyen dhe presidenti i Këshillit Evropian, Charles Michel, kanë premtuar se BE-ja do të ketë si prioritet që t’u ndihmojë vendeve të Ballkanit Perëndimor me vaksinën kundër COVID-19.
“Ne kujdesemi edhe për fqinjët tanë. Bashkimi Evropian do të koordinojë donacionet e vaksinës nga shtetet anëtare, posaçërisht për mbrojtjen e punëtorëve shëndetësorë në Ballkanin Perëndimore dhe fqinjësi”, ka thënë Von der Leyen, duke folur pas samitit të fundit të BE-së, ku përgatitjet për vaksinim ishin ndër temat kryesore.
Ministri i Shëndetësisë gjatë të martës ka folur edhe lidhur me vaksinën antiCOVID-19.
Ai bëri të ditur se më 7 dhjetor ka nënshkruar aplikimin për vaksinë, ndërsa njoftoi se Kosova është në mesin e 92 vendeve ku 20 për qind të vaksinës do ta ketë falas.
“…Synimi është imunizimi i atyre që kanë më së shumti nevojë”, ka thënë ai.
Ministri ka folur edhe lidhur me problemet në furnizimin e spitaleve me oksigjen, ndërsa tha se kjo tashmë është tejkaluar.
“Lirisht mund të them se oksigjeni ka qenë sfidues dhe menaxhimi me oksigjen për shkak të numrit të madh të pacientëve… Tashmë i kemi dy kontrata të lidhura”, tha Zemaj. /Telegrafi/
Lufta Prigozhin - Putin
Më shumëNga Rubrika
Bytyqi: E papranueshme rritja e çmimit për sigurimin e makinave, kompanitë të tërheqin menjëherë vendimin
Aplikoi për kredi në emër të një personi tjetër, arrestohet 34-vjeçari nga Dibra
Demiri: Nuk është e ligjshme që Klinika të mos jetë e siguruar, menaxhmenti duhet të marrë përgjegjësi për këtë
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre