Eman Ahmed Abd El Aty nga Aleksandria e Egjiptit, që u konsiderua si gruaja me peshën më të lartë ndonjëherë, është ndarë nga jeta si pasojë e komplikimeve shëndetësore.

Megjithëse, 37-vjeçarja iu nënshtrua intervenimit për t’ia larguar peshën prej gjysmë tonelate, gjendja saj nuk përmirësua, transmeton Telegrafi.

Pesha e tepërt, sëmundjet e zemrës dhe mos funksionimi i veshkës, kanë bërë që ajo të vdiste.

Derisa familja e saj ia lënë fajin sëmundjes së njohur si elefantizmi, që rritë në masë të madhe masën trupore, mjekët thonë se ajo kishte problem me gjëndrat tiroide.

Mësohet se ajo si fëmijë kishte qenë e plotë dhe gjithmonë është dashur të ecte me këmbë dhe duar, derisa gjatë adoleshencës mbeti përgjithmonë e shtrirë në shtrat.

Më poshtë mund të shihni momentin, kur atë e kanë dërguar për intervenimin e parë në Mumbai, ndërsa e kanë ngritur në katin e dytë përmes një pajisje speciale. /Telegrafi/