Administrata Kombëtare e Aeronautikës dhe Hapësirës (NASA) do të vendos rrjetin 4G në satelitin Hënë.

Sipas medieve të huaja, përcjell Telegrafi, për të arritur qëllimin e saj deri në vitin 2028 për ndërtimin e një baze hënore si dhe arritjen e pranisë njerëzore në Hënë, NASA ofroi 370 milionë dollarë për disa ndërmarrje për implementimin e teknologjisë në sipërfaqen e Hënës.

Këto risi përfshijnë gjenerimin e energjisë në distancë, ngrirjen kriogjenike, robotikën, zbarkimin e sigurt dhe rrjetin 4G.

Përndryshe si do të arrijnë astronautët që të publikojnë “selfiet” e tyre nga Hëna?

NASA thotë se rrjeti 4G do t’u mundësojë atyre komunikim më të sigurt në distancë se standardet aktuale të radios në Hënë. Ashtu si në Tokë, rrjeti 4G përfundimisht do të azhurnohet në 5G.

Laboratorët Bell të Nokia-s (NOK), morën 14.1 milion dollarë për projektin. “Bell Labs”, i operuar më parë nga “AT&T” do të jetë partner me kompaninë e inxhinierisë së fluturimeve hapësinore “Intuitive Machines”, për të ndërtuar rrjetin 4G-LTE.

John Oliver nga ky projekt bëri shaka duke proklamuar se rrjeti 4G do të mund të funksionojë më mirë në Hënë se sa në Tokë, pasi sipas tij nuk do të ketë asnjë pemë, ndërtesë apo sinjal televiziv për të ndërhyrë në sinjalin 4G.  /Telegrafi/