​Nagavci: Brenda disa dite realizohen pagat avancë për mësimdhënësit që do të punojnë për 22 ditët e humbura gjatë grevës

Ministrja e Arsimit, Arbërie Nagavci ka deklaruar se për 22 ditët e humbura të mësimit për shkak të grevës, brenda disa dite do të realizojnë pagesat në formë avansi në mënyrë që orët të mbahen gjatë muajve në vizim.

Nagavci ka thënë se ministri i Financave e ka obligim ligjor që të kujdeset për buxhetin e shtetit.

“Nga ana tjetër kemi një situatë tejet problematike, ngase komunat nuk ka dërguar listat, madje edhe ka bërë presione të ndryshme që të vazhdohet greva në mënyrë që kjo të shfrytëzohet për çështje politike”, ka thënë ajo, duke shtuar do ta realizon pagesën për orët e humbura ku edhe kanë nxjerr vendimin për rishikimi e kalendarit mësimor.

“Brenda disa dite do të ekzekutohen pagat në formë avanacë për punën që do të bëhet në muajt në vijim për 22 ditët e humbura për shkak të grevës”, tha ajo në ATV.

Ajo u ndal edhe te Ligji i Pagave, duke thënë se kanë parashikuar koeficientin më të mirë për mësimdhënësit që ka qenë ndonjëherë.

E kur është pyetur nëse ligji do të miratohet në muajin janar, ka theksuar se nuk mund të jap garanci pasi do të jetë në dorën e deputetëve, por e rëndësishmja është që në momentin që hyn në fuqi ligji, mësimdhënësit do të trajtohen ashtu siç duhet.