Kryetari i Lidhjes Demokratike të Kosovës, Isa Mustafa, ka reaguar pas rezultateve të publikuara nga një hulumtim i publikuar në bazë të një ankete të UNDP, sipas të cilës është rritur kënaqshmëria e qytetarëve ndaj ekzekutivit dhe legjislativit të Kosovës.

Reklama

Në anketën Pulsi Publik të realizuar nga UNDP thuhet se kënaqshmëria e regjistruar me punën e ekzekutivit është 60.7%, që përbën një rritje prej 46.3 pikë përqindje nga anketa e nëntorit 2019 kur ishte 14.4%.

Për kreun e LDK-së statistikat e këtij hulumtimi nuk mund të jenë janë relevante.

“U mundova dje dhe sot të lexoj statistikat, sipas sugjerimeve të një ambasadori të një vendi shumë të respektuar, se ato flasin vet”, ka shkruar Mustafa, në një postim në Facebook.

Reklama
Reklama

“E pyeta veten, si mundet një qeveri ku për shkak të pandemisë kanë mbetur të punojnë edhe 5 ministra të LDK-së, e cila dy herë shkeli Kushtetutën, të ketë përkrahje të tillë. Një qeveri e cila shkarkon borde dhe e pranon publikisht se po i instalon partiakët e vet. Nuk më folën rezultatet”, ka thënë kreu i LDK-së, përcjell Telegrafi.

Ai më tej ka thënë se “Nuk besoj se duhet të shkelet Kushtetuta për ta fituar perceptimin nga qytetarët”.

“Nuk besoj, poashtu, që institucionet e bllokuara nga Covid-19, të cilat nuk mbajnë takime dhe aktualisht janë jofunksionale, marrin përkrahjen e mbi 3/4 të të anketuarëve me telefon nga UNDP për punën e mirë të tyre”.

Reklama

“Këto mund të jenë simpati personale. Më së paku vlerësime! Prandaj, po i lexoj por, që flasin nuk më flasin këto statistika!”, ka shkruar Mustafa.

Reklama
Raporti i UNDP: Qytetarët më së shumti të kënaqur me punën e Vjosa Osmanit, Albin Kurti në vendin e dytë Raporti i UNDP: Qytetarët më së shumti të kënaqur me punën e Vjosa Osmanit, Albin Kurti në vendin e dytë

Gjetjet e anketës së UNDP tregojnë se 65.4 % e qytetarëve janë të kënaqur me punën e kryeministrit, derisa 72.4 % është kënaqshmëria me punën e kryetares së Kuvendit të Kosovës.

Ndërkaq, përkundër rritjes së niveleve të kënaqshmërisë me institucionet kyçe, ka rritje të pakënaqshmërisë me drejtimin politik të Kosovës. Më shumë se gjysma e të anketuarve (62.8%) janë të pakënaqur ose shumë të pakënaqur me drejtimin aktual politik të Kosovës. /Telegrafi/