Kryetari i LDK-së, Isa Mustafa ka përkujtuar kolonelin Ahmet Krasniqi, në 22 vjetorin e vrasjes së tij.

Mustafa ka thënë se Ahmet Krasniqi ishte një personalitet i veçantë, ai radhitet në plejadën e patriotëve që nuk kursyen as jetën për lirinë e vendit.

“Sot shënohet 22 vjetori i vrasjes së ish-Ministrit të Mbrojtes, Kolonel Ahmet Krasniqit. Ahmet Krasniqi, Ministri i Parë i Mbrojtjes së Republikës së Kosovës, ishte një personalitet i veçantë, ai radhitet në plejadën e patriotëve që nuk kursyen as jetën për lirinë e vendit. Sot e kujtojmë intelektualin e pashoq, atdhetarin e shquar dhe Heroin Ahmet Krasniqi”, ka shkruar Mustafa.

Reklama

Mustafa më tej ka theksuar se kolonel Krasniqi posedonte dijen, urtësinë politike dhe përgatitjen e nevojshme ushtarake, trinom i cili e formësonte karakterin e tij kompleks.

Reklama

“Ai dha kontribut të jashtëzakonshëm në luftën çlirimtare dhe fillet e krijimit të formacioneve të para shtetërore. Aktiviteti i tij kombëtar siç duket iu pengoj qarqeve anti-shqiptare, duke e ekzekutuar në mënyrë misterioze në datën e 21 shtatorit të vitit 1998, nga njerëz që ishin kundër lirisë dhe pavarësisë së Kosovës.

Për Lidhjen Demokratike e Kosovës, familjarët, miqtë dhe të gjithë që e njohën tash e sa vite por edhe për shtetin e Kosovës mbetet plagë e hapur vrasja e tij tinëzare.

Reklama

Prandaj, autorët e krimit duhet të dalin para drejtësisë dhe të marrin dënimin e merituar. Organet e drejtësisë duhet të punojnë shumë deri në zbardhjen e rastit. Lavdi jetës dhe veprës së Kolonel, Ahmet Krasniqit!”, ka thënë Mustafa. /Telegrafi/

Reklama