“Mund të bëhet një nga më të mëdhenjtë në botë” – Pochettino me fjalë të mëdha për yllin e Chelseat

Nicolas Jackson ka gjetur golin e parë në Ligën Premier në fitoren e parë sezonale të Chelseat.

Londinezët triumfuan në një ndeshje ndaj Lutonit në Stamford Bridges me rezultat të thellë 3-0.

Sulmuesi i transferuar te Chelsea nga Villarreal pati paraqitje fantastike në ndeshjet miqësore, teksa ka gjetur edhe golin e parë në elitën e futbollit anglez.

Trajneri i Chelseat, Mauricio Pochettino ka thënë se nuk ka asnjë dyshim se Jackson mund të bëhet një nga sulmuesit më të mirë në botë pasi ai ka cilësi të mahnitshme.

Lexo po ashtu Si e ndihmoi Sadio Mane, Chelsean në transferimin e Nicolas Jackson

“Ne e dinim cilësinë e tij kur nënshkruam me të, e pamë këtë më parë”, tha fillimisht Mauricio Pochettino për sulmuesin Nicolas Jackson që gjeti golin e parë në Ligën Premier.

“Nuk është se ne i kërkojmë të vrapojë dhe të shtypë topin, ai është cilësor në mënyrën se si e rikuperon topin, por gjithashtu është një finalizues i mirë. Është vetëm çështje kohe, pasi të përshtatet në Ligën Premier ai do tregojë më shumë pas ka kualitet të lartë”.

Lexo po ashtu Chelsea me fitore bindëse ndaj Luton - Jackson hap llogarinë e golave te Blutë

“Nuk kam asnjë dyshim se ai mund të bëhet një nga sulmuesit më të mëdhenj në botë, pasi Jackson ka cilësi të mahnitshme”, deklaroi Pochettino.

22-vjeçari senegalez iu bashkua Chelseat këtë verë nga Villarreali për shumën e 37 milionë eurove. /Telegrafi/