Dy qeveritë shqiptare të kohës kanë zhvilluar pesë takime mes tyre. Të rrethuar me skenografi patetike, por edhe shumë të goditura për t’i dhënë frymë shqiptarizmës, ato janë dukur më shumë si ushqim për nacionalistët dhe mllefin e fqinjëve sesa realisht të vyera për bashkëpunimin.
Pak ditë më pas, marrëveshjet janë treguar se fusnin ujë nga të gjitha anët dhe se nuk ishte aq e lehtë që Shqipëria dhe Kosova t’ia dilnin të bënin së bashku shumë gjëra, që nënshkruheshin. Në ekonomi është provuar lehtë se marrëveshjet tona janë gjithë probleme se barrierat janë ende shumë të vështira, tregu i përbashkët mbetet ende iluzion etj. Por, nga ana tjetër dhe kultura ka treguar se nuk është në atë frymë që mendohet dhe shpallet nga ministrat respektivë.
Kalendarët e përbashkët nuk është se i kanë dhënë frymë impakti artit në të dy vendet, kurse shihet se rrugët e Kosovës dhe Shqipërisë janë të ndara në art dhe madje ka frymë që nuk i qas qysh në bashkëpunimin esencial.
Lufta e marketingut për të shpallur vlerat dhe për t’u afirmuar me anë të tyre në një farë mënyre kërkon të shmangen shumë gjëra. Dhe, pa asnjë mëdyshje dhe ato që kanë lidhje me patetizmin e memorandumeve. Të dy vendet tona luftojnë më shumë për afirmim, por duket se avantazhi është nga Kosova që ka një qasje më të afërme me tregun e huaj dhe ka treguar se funksionon shumë më mirë. Inerci mbase e kohës së shkuar, por edhe e konfigurimit shtetëror kosovar, ku faktori i huaj është jo vetëm prezent po edhe tepër ndihës, sa i përket lidhjeve dhe jehonës artistike në qarqe më elitare.
Dhe, në artin kosovar ke elementë pafund që kanë qasje ndërkombëtare dhe projekte të huaja, por edhe aktivitete që janë realisht shumë më të mira se në Shqipëri.
A ka gjasë që kosovarët dhe shqiptarët të bashkëpunojnë me njëri-tjetrin?
Për sa kohë lufta e tregut kërkon evidentim ajo do konkurrencën dhe ajo bëhet ndaras në vetë tregun kosovar dhe te tregu shqiptar. Që do të thotë, problemi është zgjidhja e gjërave që janë në vetë tregjet e brendshme dhe pastaj mund të mendohet për bashkëpunimin. Shqiptarët janë ende produkte të një tregu që lë shumë për të dëshiruar dhe me politika tejet inferiore.
Por, më i madh problemi është se të dy vendet nuk kanë një synim të përbashkët sesi të inkurajojnë artin e përbashkët ose një produkt që të jetë më i mbathur me vlera. Projektet që ofrohen të paktën nga Ministria e Kulturës janë aq të vogla saqë ato janë të pamjafta që një njeri të punojë për projekte më të mëdha. Ose më saktë, Ministritë respektive të Kulturës zgjidhin sensin e projekteve të vogla, që “t’i kënaqin” të gjithë.
Enver Petrovci e shprehte hapur në një intervistë në një të përditshme, kur tregonte modelin e shkuar dhe faktin që njerëzit që kishin treguar se mund të bënin gjëra të mira inkurajoheshin për më shumë. Një gjë që nuk ndodh sot. Ashtu, si nuk ndodh, ideja e kryeministrit për të përcjellë burokratët kosovarë në administratën shqiptare. Rasti i drejtorit të Galerisë Kombëtare të Arteve dhe heqja dorë pa dhënë asnjë shpjegim nga aktiviteti i saj më prestigjioz “Onufri”, tregon se shumë gjëra nuk funksionojnë mes nesh, por më shumë ajo frymë që besohet të mbillet nga politikanët.
Burokratët që vinë më pas poshtë tyre dhe që duhet t’u japin frymë gjërave janë minues të çdo fryme të mirë sepse në kokë kanë ende stereotipat. Mu ato që na mbajnë aq të ndarë realisht me njëri-tjetrin. /Milosao/
Promo
Reklamo këtuLufta Prigozhin - Putin
Më shumëI kanë thënë të mençurit...
"Universiteti i Durrësit i vitit 1380 - i pari universitet në Ballkan"
Fjalë të urta popullore: Edhe diell të bëhesh, të gjithë nuk i ngroh dot!
Portreti që frymëzoi Shekspirin të shkruante Othellon
Jeta në komunizmin shqiptar
Manipulimi i parë i një fotoje shqiptare (Foto)
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi