MPB do të propozojë të mos paguhet as taksa administrative për ndërrimin e patentë shoferëve

Ministria e Punëve të Brendshme sot informoi se qytetarët të cilët i ndërrojnë lejet e shoferit dhe të komunikacionit që janë ende të vlefshme dhe me emrin Republika e Maqedonisë, nuk paguajnë për formularët, por paguajnë tarifë administrative.

Sipas MPB-së, tarifat e qytetarëve janë duke u bazuar në faktin se Ligji për taksat administrative ende nuk është ndryshuar.

Nga aty bëjnë të ditur se do të propozojnë ndryshim në këtë ligj, për të mos paguar as tarifën administrative.

“MPB i njofton qytetarët se sipas Vendimit për çmimet e formularëve të lëshuar nga MPB, lejet e vozitjes dhe lejet e komunikacionit me “Republika e Maqedonisë” që janë ende të vlefshme, zëvendësohen në procedurë të rregullt me ​​të reja me emërtimin “Republika e Maqedonisë së Veriut” dhe qytetarët nuk u ngarkohet çmimi i paraparë për ato formularë deri më 31 dhjetor 2024”.

“Mirëpo, për të njëjtat dokumente është paraparë, tarifë administrative, e cila paguhet sipas Ligjit për taksat administrative, i cili ende nuk ka pësuar ndryshime në atë pjesë. Ministria e Brendshme do të propozojë një ndryshim në ligj, me qëllim që të paguhet tarifa administrative”, thuhet në njoftimin e sotëm nga MPB.