Motrat i bëjnë dhurata Adelinës (Foto)

Këngëtarja e njohur Adelina Ismaili muajin e kaluar është bërë nënë për herë të parë.

Ajo dhe bashkëshorti i saj Vali u bënë prindër të një djali, të cilin e pagëzuan me emrin Uliks.

Lexo po ashtu Pëlqehet kënga e re e Zanfina Ismailit (Video)

Me ardhjen në jetë të Uliksit u gëzuan e gjithë familja, e në veçanti Zanfina dhe Ema të cilat për herë të parë po shijonin ndjenjën e të bërit teze.

Duket se dashuria e madhe për nipin, ka bërë që ato së bashku të blejnë një mal dhuratash për të.

Ka qenë pikërisht Adelina ajo e cila sot (e martë), ndonëse rrallë është aktive në rrjetet sociale, ka publikuar një fotografi të një sërë dhuratash të veçanta, të cilat ia kishin bërë motrat me rastin e lindjes, asaj dhe Uliksit.

Lexo po ashtu Të gjitha lajmet nga Estrada Shqiptare

“Kush ka teze, botën ka. E kush ka motra, ka YSL Faleminderit Ema dhe Zani për dhuratat fantastike, ju duam”(sic.), shkruan Diva në Instagram.

Përndryshe, ajo dhe Vali ende e kanë ruajtur privatësinë e më të voglit të tyre, duke mos dashur ta shfaqin identitetin e tij në rrjetet sociale. /Telegrafi/

https://www.instagram.com/p/BUt2XG9FXys