Motori elektrik i Volkswagen që mund të futet në një çantë

Prodhuesi gjerman i veturave ka treguar për publikun kompaktësinë e motorit elektrik që drejton modelin e parë elektrik.

Në shtator, VW prezantoi anëtarin e parë të familjes EV të ID.3, të mundësuar nga një motor elektrik me 204 kuaj fuqi.

Pesha e motorit të markës APP310, së bashku me kutinë e marsheve është vetëm 90 kg, kështu që mund të paketohet në një çantë sportive.

Motori elektrik APP310 është prodhuar në Gjermani dhe Kinë, dhe avantazhet e tij tashmë janë njohura nga disa kompani që janë angazhuar në restaurimin dhe elektrifikimin e gjeneratës së parë të furgonëve legjendarë të VW.

VW do të ketë premierën e një modeli të ri të konceptit nga familja ID në panairin e ardhshëm në Los Anxhelos.

Bëhet fjalë për Space Vizzion me të cilin paralajmërohet një tjetër model elektrik, versioni serik i të cilit nuk do të presë gjatë.

Sidoqoftë, para tij do të paraqitet te klientët një version serik i crossoverit ID.4, i cili, ndryshe nga ID.3, do të jetë i disponueshëm edhe në Amerikën e Veriut. /Telegrafi/