Parashikimi i motit për ditën e hënë në Kosovë

Mbi rajonin tonë vazhdojnë të mbesin aktive fusha jostabile të presionit të ulët që do të favorizojnë mot të ndryshueshëm, me vranësira dhe zhvillime të shtrëngatave me shi.

Nga mesi i javës fusha anticiklonike nga Evropa qendrore do të shtrihen mbi rajon, ku për dy ditë do të sjellin mot më stabil dhe intervale më të gjata me diell.

Nga parashikimet e fundit, në fundjavë mund të presim një depërtim të një fronti të ftohtë nga veriu i kontinentit, që do të zbres temperaturat ndjeshëm nën vlera mesatare.

18.06 – Në mëngjes pjesërisht vranët. Gjatë ditës mot kryesisht me vranësira, e pasdite priten shtrëngata të shpërndara me shi.
19.06 – Mot kryesisht me vranësira. Paradite riga lokale shiu, e pasdite priten shtrëngata të shpërndara me shi.
20.06-21.06 – Mot pjesërisht i vranët, me intervale më të gjata me diell. Të enjten pasdite, rreth viseve malore mundësi për reshje lokale shiu me bubullimë.
22.06 – Mot pjesërisht i vranët. Pasdite shtrëngata të shpërndara me shi.

Temperaturat e ajrit do të shënojnë rritje, por do të luhaten kryesisht rreth vlerave mesatare. Minimalet do të sillen nga 13C deri në 15C, e maksimalet nga 24C deri në 27C.

Do të fryjë erë mesatare dhe mesatarisht e fuqishme nga verilindja 4-9m/s. Shtypja atmosferike, gradualisht do të rritet mbi vlera normale.