Me vetëm disa detaje, veshjet e dimrit duken më moderne, më femërore dhe shumë më stil
Zbulojmë 6 rregullat që ju bëjnë të dukeni elegante gjatë dimrit. Dimri nuk është arsye për të hequr dorë nga pamja femërore; përkundrazi, sezoni i ftohtë sjell mundësi të reja për krijimin e kombinimeve të rafinuara dhe plot stil.
Harroni xhupat pa formë dhe veshjet monotone me disa rregulla të thjeshta, edhe ditët më të acarta mund të jenë një mundësi për të dukur moderne, të kuruara dhe më shumë femërore se kurrë.
1. Theksoni belin
Edhe kur vishni triko të trasha, xhaketa të gjera apo pallto të gjata, theksimi i belit mbetet një truk i thjeshtë që përmirëson menjëherë siluetën. Një rrip mbi pantallona, xhinse, triko apo edhe mbi vetë pallton i jep trupit formë më elegante dhe e bën figurën më harmonike. Edhe një lidhje e lehtë mbi gëzofin sintetik krijon një efekt të menjëhershëm vizual që e zbut vëllimin dhe e thekson feminitetin.
2. Fustanet e thurura
Fustanet maxi të thurura janë ndër veshjet më të mira të dimrit, sepse bashkojnë komoditetin me elegancën. Materialet si leshi, kashmiri dhe leshi-merino ofrojnë ngrohtësi dhe duken jashtëzakonisht bukur. Modelet janë të shumta, me prerje të drejtë, me mbështjellje, me jakë të lartë apo me çarëse anësore, çka i jep çdo gruaje mundësinë të gjejë fustanin ideal për stilin e saj, transmeton Telegrafi.
3. Mos i harroni fundet
Fundet e gjata prej lëkure, leshi ose materiale të thurura i japin elegancë çdo hapjeje dhe lëvizjeje. Edhe nën pallton e trashë, ato shtojnë butësi, finesë dhe atë ndjesinë klasike të feminitetit që e bën veshjen të duket më e kuruar. Një fund i lëvizshëm nën shtresat e dimrit është detaj i vogël, por me efekt të madh.
4. Shtresa e sipërme elegante
Në vend të xhupeve sportive, të cilat shpesh e humbin formën e trupit, palltot klasike janë zgjedhja më e mirë për një pamje të sofistikuar. Leshi, kashmiri ose materialet me izolim të mirë janë edhe praktike, edhe elegante. Gëzofi sintetik sot duket po aq luksoz sa ai natyral dhe i shton pamjes notën e elegancës dhe të finesës, duke e bërë kombinimin më të kuruar dhe të paharrueshëm.
5. Çanta me ngjyra
Dimri shpesh na shtyn drejt ngjyrave të errëta, por një çantë në nuancë të ndezur është mënyra më e thjeshtë për t’i dhënë jetë gjithë veshjes. Ngjyrat e thella si e verdha, e kuqja apo portokallia e errët e bëjnë kombinimin më energjik dhe e transformojnë pamjen me vetëm një aksesor të vogël.
6. Takat - feminitet në çdo hap
Edhe pse dimri sjell sfida si akulli dhe dysheme të rrëshqitshme, takat e ulëta mbeten një zgjedhje jashtëzakonisht femërore. Një lartësi e rehatshme prej 5-7 cm mjafton për të ruajtur ecjen elegante pa rrezik. Një taban prej gome cilësore ofron stabilitet, ndërsa këpucët me takë të hollë ose të gjerë shtojnë finesën në çdo kombinim dimëror, pa sakrifikuar komoditetin.
Përfundim
Dimri nuk është stinë për të hequr dorë nga eleganca. Me zgjedhjen e duhur të prerjeve, materialeve dhe aksesorëve, çdo ditë e ftohtë kthehet në mundësi për të shkëlqyer. Theksimi i belit, fustanet e thurura, fundet e gjata, palltot elegante, çantat me ngjyra dhe takat diskrete janë detaje të vogla që transformojnë pamjen dhe rrisin vetëbesimin - prova e qartë se eleganca nuk njeh stinë. /Telegrafi/
