Komandot speciale ukrainase kanë sulmuar Krimenë në një aksion të guximshëm gjatë natës përpara një beteje të përgjakshme me armë.
Sipas The Sun, përcjell Telegrafi, pamjet e jashtëzakonshme me dron treguan një flotë varkash të Ukrainës duke u nisur drejt gadishullit të pushtuar nga Rusia.
Dhe pamjet – të shpërndara nga Drejtoria kryesore e Inteligjencës së Ministrisë së Mbrojtjes së Ukrainës - tregoi trupat që bënin udhëtimin rreth 350 kilometrash përtej Detit të Zi nga Vylkove.
Ukraina tha se njësitë speciale zbarkuan në gadishull dhe "shkaktuan dëme zjarri mbi pushtuesit e Moskës", duke shtuar: "Krimea do të jetë ukrainase! Lavdi Ukrainës!".
Andriy Yusov, zëdhënësi i inteligjencës ushtarake të Kievit, tha se kishte "shumë të vdekur" pas një përleshjeje të ashpër me armë - dhe Rusia pretendoi se kapi një nga luftëtarët ukrainas.
“Ka pasur një betejë me pushtuesit rusë, ka shumë të vdekur dhe të plagosur në mesin e personelit të pushtuesve”, citohet të ketë thënë Yusov.
Ukraina ka luftuar për të rimarrë Krimenë gjatë pushtimit të Putinit - por sulmet janë intensifikuar ndërsa Kievi zotohet të rimarrë gadishullin, të cilin Moska e aneksoi në vitin 2014. /Telegrafi/
