Ministria e Kulturës, Rinisë dhe Sportit ka mbështetur kërkesën e Muzeut Kombëtar të Kosovës drejtuar Muzeut të Beogradit për kthimin e artefakteve që vazhdojnë të mbahen në Serbi.
Këshilltarja e ministrit të MKRS-së, Nora Arapi thotë për KosovaPress se kjo kërkesë është legjitime dhe se do të mbështetet edhe me hapa ligjor.
Numri total i artefakteve të koleksionit arkeologjik dhe etnografik të Kosovës që mbahen padrejtësisht në Serbi është 1247. Kërkesa për kthimin e tyre në Kosovë Arapi thotë se është bazuar në Konventën Ndërkombëtare të UNESCO-s.
“Ne e kemi mbështetur Muzeun Kombëtar të Kosovës në letrën zyrtare drejtuar Muzeut kombëtar në Beograd, ku faktikisht kërkesa e tyre ka qenë legjitime dhe e bazuar në Konventën Ndërkombëtare të UNESCO-s dhe në dispozita ligjore dhe mendojmë që hapat që do të ndjekë qeveria dhe ministria do të jenë hapa ligjor, kërkesa për zbatimin e hapave ligjor… Në pjesën e fundit të letrës nëse e keni vërejtur propozohet themelimi i një grupi punues me profesionistë nga Muzeu Kombëtar i Kosovës dhe të Beogradit me përfshirje të profesionistëve ndërkombëtarë, për të menaxhuar dhe për të shikuar mënyrën sesi do të bëhet ky transmetim ngase këto artefakte janë pasuri e përbashkët e Republikës së Kosovës dhe kthimi i tyre është kërkesë legjitime”, thotë ajo.
Arapi beson që me inicimin e kësaj çështjeje do të ketë edhe rezultate konkrete.
“Ne jemi duke ndërmarrë hapat zyrtarë, duke u bazuar në dispozitat ligjore dhe mendoj se më inicim të hapave zyrtarë mund të presim edhe rezultate”, thotë Arapi.
Sa i përket dokumentacionit që posedon Kosova për artefaktet që tash e sa kohë i ka Serbia, Arapi tha se është Muzeu Kombëtar i Kosovës që ka të dhënat teknike për koleksionin arkeologjik dhe etnologjik që është larguar nga Kosova.
Ajo thotë se nuk ka një afat kohor se kur pritet që Serbia të përgjigjet karshi kërkesës së palës kosovare, porse shprehet optimiste se kjo iniciativë do të përfundojë me rezultate konkrete.
“Në kërkesë nuk është specifikuar afati kohor por t’i japim mundësinë, të presim… Është hapi i parë konkret zyrtar që është ndërmarrë deritash sepse nuk është adresuar zyrtarisht deritani zyrtarisht kjo temë në Serbi. Është diskutuar si temë, por nuk ka pasur diçka zyrtare”, thotë ajo.
Dje, drejtori i Muzeut Kombëtar të Kosovës, Ajet Leci, ka bërë të ditur se i është drejtuar me një letër Muzeut Kombëtar në Beograd, Muzeut Etnografik në Beograd dhe Akademisë Serbe të Shkencave dhe Arteve me kërkesën për kthimin e artefakteve që i takojnë Republikës së Kosovës e që mbahen ende në Serbi.
Këtë kërkesë të Muzeut Kombëtar të Kosovës e ka mbështetur edhe Ministria e Kulturës, Rinisë dhe Sportit dhe ajo e Punëve të Jashtme dhe Diasporës.
“Numri total i artefakteve të koleksionit arkeologjik dhe etnografik të Kosovës që mbahen padrejtësisht në Serbi është 1247. Ato duhet të kthehen sa me parë në vendin e tyre të origjinës. Për të realizuar këtë detyrim, propozoj themelimin e një grupi punues të përbërë nga përfaqësues (nga një zyrtar) të katër muzeve: Muzeu Kombëtar i Kosovës, Muzeu Etnografik i Kosovës, Muzeu Kombëtar në Beograd dhe Muzeu Etnografik në Beograd, si dhe profesionistë ndërkombëtarë të muzeologjisë. Detyra e këtij grupi punues do të ishte hartimi i planit dhe mbikëqyrja e procesit të kthimit të të gjitha artefakteve në Kosovë”, thuhet ndër të tjera në këtë letër. /KP/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Rashiq për stërvitjet ushtarake serbe: Duan vetëm t’i tregojnë muskujt
Çitaku: Rezultati i zgjedhjeve të përgjithshme do të jetë befasues
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre