Mjekët shpjegojnë pesë mitet më të mëdha për shtatzëninë

Për shkak të rritjes së numrit të personave që vendosin të krijojnë familje gjithnjë e më vonë, lindshmëria ka qenë në fokus të publikut vitet e fundit. Rritja e interesit për ngjizje ka shkaktuar mite të shumta dhe mjekët ndanë ato më të zakonshmet me Daily Mail.

Ju mund të mbeteni shtatzënë vetëm gjatë dy ditëve të ciklit tuaj

Ky keqkuptim i zakonshëm bazohet në faktin se gratë janë më pjellore në dy ditë të muajit, por periudha fertile tek gratë zgjat rreth gjashtë ditë – pesë ditë para ovulacionit dhe në ditën e ovulacionit.

Ovulacioni është procesi gjatë të cilit vezorja lëshon një vezë në tubin fallopian. Nëse sperma fekondon vezën gjatë kësaj periudhe, ndodh ngjizja dhe veza e fekonduar ngjitet në mukozën e mitrës, e cila njihet si implantim.

Lexo po ashtu Java e parë e shtatzënisë: Është koha për planifikim dhe jetë të shëndetshme

Stresi mund t’ju pengojë të mbeteni shtatzënë

Stresi mund të ketë shumë efekte negative në trup, por mjekët thonë se është një mit që parandalon shtatzëninë. Edhe pse njerëzit që kanë vështirësi në ngjizje mund të jenë të stresuar për shkak të kësaj, nuk dihet nëse stresi dhe infertiliteti janë të lidhura drejtpërdrejt.

Megjithatë, nivelet e larta të stresit mund t’ju shkaktojnë ndërprerjen e menstruacioneve ose zgjatjen apo shkurtimin e ciklit tuaj menstrual.

Gratë nuk mund të mbeten shtatzënë gjatë ushqyerjes me gji

Ushqyerja me gji mund të ndalojë ovulimin, por nuk do të thotë se është një metodë e kontracepsionit. Gratë mund të mbeten shtatzënë brenda vetëm tri javësh pas lindjes, por mjekët ende rekomandojnë të presin të paktën 18 muaj për t’i dhënë trupit kohë për t’u rikuperuar.

Lexo po ashtu A përkeqësohet shikimi gjatë shtatzënisë: Këto simptoma mund të jenë të rrezikshme

Ju duhet të shtriheni pas seksit kur përpiqeni të mbeteni shtatzënë

Ju mund të mendoni se ka kuptim që shtrirja pas seksit do të ndihmonte spermën të arrinte në qafën e mitrës, por ekspertët thonë se ky akt nuk rrit shanset për shtatzëni.

Janë kryer studime për të testuar nëse shtrirja pas ngjizjes artificiale ndikon në shkallën e ngjizjes. Disa sugjerojnë se mund të rrisë shanset për shtatzëni, të tjerë sugjerojnë se nuk ka asnjë ndryshim.

Orgazma rrit shanset për shtatzëni

Orgazma as nuk do të ulë dhe as nuk do të rrisë shanset për të mbetur shtatzënë. Nuk ka studime shkencore për të mbështetur këtë pretendim. /Telegrafi/