Ushtria amerikane ende nuk e di se çfarë janë tri objektet fluturuese që rrëzoi mbi Amerikën e Veriut, ashtu siç nuk e di se si lëviznin në ajër.
Dje, presidenti amerikan Joe Biden urdhëroi rrëzimin e një objekti tjetër fluturues – i katërti në total këtë muaj, transmeton Telegrafi.
Zyrtarët njoftuan se po lëvizte në një lartësi prej 6.100 metrash, dhe mund të kishte ndikuar në trafikun ajror komercial.
Një komandant ushtarak tha se “mund të jetë një lloj balone gazi” ose “një lloj sistemi shtytës”. Ai shtoi se nuk mund të përjashtonte që objektet të ishin me origjinë jashtëtokësore.
Objekti i fundit, i cili u rrëzua mbi liqenin Huron në shtetin e Michiganit, jo shumë larg kufirit me Kanadanë, u përshkrua nga zyrtarët e Departamentit të Mbrojtjes të SHBA-së, si një objekt pa pilot i “strukturës tetëkëndore”.
Ajo u rrëzua nga një raketë e lëshuar nga një aeroplan luftarak amerikan F-16. E incidenti i fundit ka ngritur pyetje të mëtejshme në lidhje me një seri objektesh që fluturonin në lartësi të mëdha që janë rrëzuar mbi Amerikën e Veriut këtë muaj.
Kreu i Komandës Veriore të SHBA, gjenerali Glen VanHerck, tha se nuk kishte “asnjë tregues se ishte një kërcënim”.
“Nuk do t’i kategorizoj ato si balona. Ne i quajmë objekte për një arsye. Ajo që ne shohim janë objekte shumë, shumë të vogla që krijojnë një reflektim shumë të vogël në radar “, shtoi ai
Duke pasur parasysh misterin që qarkullon për këto objekte fluturuese të shkatërruara, nuk është e pazakontë që të lindin një sërë spekulimesh.
Kur u pyet nëse ishte e mundur që objektet e rrëzuara të ishin me origjinë jashtëtokësore, gjenerali VanHerck u përgjigj: “Unë do ta lë komunitetin e inteligjencës dhe kundërzbulimit t’i përgjigjet kësaj pyetjeje” dhe shtoi se “ne nuk po përjashtojnë asgjë në këtë pikë”.
Kujtojmë se më 4 shkurt, një balonë kineze u rrëzua mbi det në brigjet e Karolinës së Jugut, për të cilën Pentagoni pretendonte se ishte spiun.
Zyrtarët amerikanë deklarojnë se balona që qëndroi mbi SHBA për katër ditë e kishte origjinën nga Kina, dhe se po monitoronte vendndodhje të ndjeshme të inteligjencës.
Kina ka mohuar se ishte një balonë spiune, duke thënë se ishte një balonë meteorologjike e fryrë mbi SHBA nga erërat. E ky incident rriti më tej tensionet midis Uashingtonit dhe Pekinit.
Që nga ai incident, aeroplanët luftarakë amerikanë kanë rrëzuar tre objekte të tjera në lartësi të madhe në po aq ditë.
Të premten, Biden urdhëroi shkatërrimin e një objekti mbi Alaskë, ndërsa të shtunën një objekt i ngjashëm u shkatërrua mbi Yukon në veriperëndim të Kanadasë.
Si SHBA ashtu edhe Kanadaja janë ende në kërkim të mbetjeve të strukturave të shembura, me motin arktik që pengon kërkimin në Alaskë.
“Këto objekte nuk i ngjanin balonës që u rrëzua më 4 shkurt dhe ishin shumë më të vogla se ajo. Ne definitivisht nuk mund t’i karakterizojmë ato derisa të arrijmë te mbetjet”, tha këshilltari për Sigurinë Kombëtare pranë Shtëpisë së Bardhë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Digjet një fabrikë teknologjike në Berlin – ajo prodhon një armë të fuqishme të mbrojtjes ajrore, kishte furnizuar edhe Ukrainën
Amerikani u kthye nga varrimi i xhaxhait dhe gjeti të bijën duke luajtur letra – pyeti kush fiton dhe përgjigja e tmerroi
Biden i quan “ksenofobike” Indinë dhe Japoninë
Ushtria ukrainase njofton se nuk ka trupa ruse në Chasiv Yar
Italia zbulon se çfarë përmban paketa e ardhshme me ndihma ushtarake për Ukrainën
Trupat ruse hyjnë në bazën ajrore në Nigeri, ku janë të stacionuar ushtarët amerikanë
Thellohen humbjet e Rusisë: Mbi 100 ushtarë rusë të vdekur nga sulmi i fundit i ukrainasve me ATACMS
Vuçiq humb kontrollin gjatë konferencës, analisten amerikane Ivana Stradner e quan të çmendur
Ukrainasit shkatërrojnë dy sisteme të mbrojtjes kundërajrore të rusëve – i goditën me dronët kamikaz
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe