Kuvendi komunal i Prishtinës, ka miratuar sot buxhetin komunës mbi 91 milionë euro për vitin 2020 dhe Kornizën Afatmesme Buxhetore për periudhën 2020-2022(KAB) .
Këtë vit kjo komunë do të ketë buxhetin më të madh për rreth 11 milionë euro, mjete këto të cilat i ka përfituar nga Ligji për Prishtinën.
Pas kundërshtimeve të shumta kryesisht nga partitë e opozitës, propozim-vendimi për buxhetin pësoi disa ndryshime në marrëveshje me kryetarin e Prishtinës, Shpend Ahmeti.
Agim Gashi në emër të LDK, pati vërejtje për shpërndarjen e buxhetit të vitit 2020, i cili kërkoi të bëhet rishikimi shpërndarjes, sepse sipas tij, shpërndarja është bërë pa koordinimin ose bashkëpunimin e opozitës në këtë asamble.
Gashi ka kërkuar të futen në buxhet projektet për ujë të pijes dhe ujëra të zeza për fshatrat e Gollakut, për çka është pranuar kërkesa e tij me ndryshimet buxhetore. Ndërsa, sipas tij, nga të hyrat vetanake nuk ka ndonjë lëvizje dhe nuk janë në përputhje me kornizën afatmesme.
Mirsad Vitia nga VV, paraqiti mospajtimet për këtë buxhet, që sipas tij, ka rritje të buxhetit për shpenzime në administratë dhe për blerjen e pesë veturave, ku sipas të cilit për këtë, kryetari Shpend Ahmeti ka rënë në lajthitje.
Leutrim Retkoceri nga PDK duke theksuar se nuk e përkrah buxhetin e propozuar tha se buxheti 2020 mbetet tradicional, por fatkeqësisht nuk është buxhet me prioritetet. Po ashtu edhe Arbër Vokrri, nga VV tha se edhe pse ka ngritje të buxhetit 2020, ka ulje të buxhetit për shëndetësi, që sipas tij, kjo është papranueshme.
Asambleistja Naime Osmani nga LDK ngriti shqetësimin për mos futjen në buxhet të asnjë projekti për fshatrat e Prishtinës në drejtim të Podujevës.
Egzon Azemi nga VV, tha se nuk janë marrë parasysh kërkesat e qytetarëve për buxhetin 2020, ndërsa shtoi se kryetari Shpend Ahmeti është marrë vetëm me fushatë dhe me gënjeshtra.
Kryetari i Prishtinës, Shpend Ahmeti, ka arsyetuar se planifikimi i të hyrave komunale është përcaktuar nga Qeveria qendrore, sipas të cilit, janë kufijtë përcaktues nga Ministria e Financave, ndërsa për mallra dhe shërbime sipas Ahmetit ka ngritje të shpenzimeve mbi 1 milion euro.
Sipas tij, 2. 5 milionë euro janë paraparë me këtë buxhet për ndërtimin e tunelit në rrugën “Agim Ramadani”, ndërsa, pas kërkesës së asamblistëve të LDK ujësjellësin, 500 mijë euro nga ky projekt do të barten për ujësjellësin e fshatrave të Gollakut.
Kryetari pranoi se 19 fshatra të komunës së Prishtinës, nuk kanë furnizim me ujë të pijes dhe shprehu gatishmërinë që me bartje të mjeteve të bëhet zgjidhje për ujin e pijes edhe në Gollak.
Ahmeti tha se me këtë projektbuxhet është paraparë të ndërtohet edhe një therrtore. AAK dhe AKR kanë përkrahur propozim vendimin për buxhetin 2020. Ndërsa, pas një pauze, asamblistët do të diskutojnë edhe pika të tjera të rendit të ditës./kp/Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: Për pakë ditë qytetarët do të vendosin nëse janë për bashkëjetesë apo supermaci monoetnike
Gjuajtje me armë zjarri tek një pompë derivatesh në Prishtinë
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Çka po synon Serbia me arrestimin e zv/drejtorit të Policisë së Kosovës - flasin ekspertët
“Marrje në pyetje e maltretim”, i riu nga Gjilani rrëfen për ndalimin në kufijtë e Serbisë
Komandanti i KFOR-it ftohet nga ushtria serbe në stërvitjen "Whirlwind 2024"
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin