Ministria për Punë dhe Politika Sociale e Maqedonisë prezantoi projekt-buxhetin për vitin 2018 (Video)

Ministria e Punës dhe Politikës Sociale sot prezantoi para gazetarëve propozim buxhetin për vitin 2018 që do të ndahet për këtë Ministri. Sipas Carovskës, buxheti i paraparë për vitin 2018 për Ministrinë e Punës dhe Politikës sociale, është më i larti në krahasim me dikatesterët e tjerë qeveritar.

Ajo gjithashtu shtoi se rëndësi më e madhe do t’i kushtohet përmirësimit dhe shtimit të numrit të çerdheve dhe stafit në to.

“Propozim buxheti për Ministrinë e Punës dhe Politikës Sociale për vitin 2018 është më i larti në krahasim me të gjitha resoret e tjera. Në total është 43 miliardë e 375 milionë e 583 mijë denarë. Mbi 120 mijë qytetarë janë shfrytëzues të ndihmës sociale të cilat ndahen nga Ministria e Punës dhe Politikës Sociale dhe për këtë në buxhetin e vitin 2018 për këto transfere parashihen 8 miliardë denarë. “Në lidhje me pagën minimale janë siguruar fonde në buxhetin për vitin 2018 dhe atë në vlerë prej 461 milionë e 250 mijë denarë”, tha Carovska./TV21/Telegrafi/