Ministri rus i Mbrojtjes pyetet se kur do të përfundojë lufta në Ukrainë, ai largohet dhe nuk përgjigjet – pamjet bëhen virale

Ministri rus i Mbrojtjes, Sergei Shoigu, gjatë një interviste dhënë për televizionin rus Zvezda që është në pronësi të ministrisë ruse të Mbrojtjes, është pyetur sesi do të përfundojë lufta në Ukrainë, ku ai me një dozë ironie tha se “çdo luftë përfundon me paqe”.

Por kur gazetari e pyeti se kur pritet të ndodhë kjo paqe në Ukrainë, Shoigu nuk është përgjigjur dhe thjesht është larguar nga gazetari, transmeton Telegrafi.

Analistët perëndimorë thonë se presidenti rus Vladimir Putin ka të ngjarë ta zvarritë luftën sa më gjatë që të jetë e mundur, me shpresën se mbështetja perëndimore për Ukrainën do të dobësohet.

Lexo po ashtu A ka filluar kundërsulmi i madh ukrainas?

“Vladimir Putin nuk ka plane të menjëhershme për paqen në Ukrainë, dhe për këtë arsye Perëndimi duhet të përgatitet për të ofruar ndihmë për Kievin për një kohë të gjatë”, paralajmëroi Sekretari i Përgjithshëm i NATO-s, Jens Stoltenberg në një intervistë për Guardian.

“Lufta e ashpër e përqendruar rreth Bakhmutit tregon se Rusia është e gatshme vetëm të hedhë mijëra e mijëra trupa, të shkaktojë shumë viktima për përfitime minimale”, shtoi shefi i NATO-s.

“Presidenti Putin nuk po planifikon paqen, ai po planifikon më shumë luftë,” vazhdoi Stoltenberg, duke theksuar se Rusia po rrit prodhimin industrial ushtarak dhe “u afrohet regjimeve autoritare si Irani, Koreja e Veriut dhe të tjerët, në përpjekje për të marrë më shumë armë”. /Telegrafi/

❗️Any war ends in peace- russian Minister of Defence Shoigu.

Has he just said WAR? Ooops… watch out, Sergei, windows are everywhere, even in basements.

For a start to end the war that you started would be good to f*ckoff from the Ukrainian land!!! pic.twitter.com/5rosLXOoOJ

— Maria Drutska 🇺🇦 (@maria_drutska) March 21, 2023